ନୂଆଦିଲ୍ଲୀ,୪।୬: ଲୋକ ସଭା ନିର୍ବାଚନ ଫଳାଫଳ ପୂର୍ବରୁ ରାଜନୈତିକ ବିଶ୍ଳେଷକ ଯୋଗେନ୍ଦ୍ର ଯାଦବ ଏକ୍ଜିଟ୍ ପୋଲ ଉପରେ ମୁହଁ ଖୋଲିଛନ୍ତି। ସେ କହିଛନ୍ତି, ଯେଉଁ ପ୍ରକାର ଭାବେ ଭାଜପା ଏକ୍ଜିଟ୍ ପୋଲକୁ ନେଇ ବୟାନ ଦେଉଛି, ଏଥିରୁ ସ୍ପଷ୍ଟ ହେଇଯାଉଛି କି ଭାଜପା ବଡ଼ ଖେଳ ଖେଳୁଛି। ଭାଜପା ସ୍ପଷ୍ଟ ଇଶାରା ହେଉଛି କି ଇଭିଏମ୍ ଉପରେ ପ୍ରଶ୍ନ ଉଠାନ୍ତୁ ନାହିଁ, ଏବେ ଚୁପ୍ ହୋଇଯାଓ, ଯାହା ଏକ୍ଜିଟ୍ ପୋଲ କହିଛି, ତାହା ହିଁ ଫଳାଫଳ।
ଯୋଗେନ୍ଦ୍ର ଟୁଇଟ କରି ଲେଖିଛନ୍ତି, ଏକ୍ଜିଟ୍ ପୋଲ ବିଷୟରେ କେବଳ କୁହାଯାଇପାରେ ଯେ ଏକ୍ଜିଟ୍ ପୋଲ କୌଣସି ସଠିକ ତଥ୍ୟ ଉପସ୍ଥାପନ କରିବାର ଗ୍ୟାରେଣ୍ଟି ନୁହେଁ। ଏକ ବାର୍ତ୍ତାଳାପର ସେ ଏକ ଭିଡିଓ ଶେୟାର କରିଛନ୍ତି। ଭିଡିଓରେ ଯୋଗେନ୍ଦ୍ର ଯାଦବ କହିଛନ୍ତି, ଏକ୍ଜିଟ୍ ପୋଲରେ ମନଇଚ୍ଛା ଏନଡିଏ ପାଇଁ ଅଧିକ ସଂଖ୍ୟା ଦେଖାଯାଇଛି, ଯାହା ସେ ପୂର୍ବାନୁମାନ କରିଥିବା ଠାରୁ ବହୁତ ବଡ।
