‘୪୦୦ ପାର୍ କଥା ଛାଡି ଦିଅନ୍ତୁ’, ମତଦାନ ପୂର୍ବରୁ ରାଜନୈତିକ ବିଶ୍ଳେଷକଙ୍କ ଭବିଷ୍ୟବାଣୀ, ବଢିଲା ଭାଜପାର ଚିନ୍ତା
04 ନୂଆଦିଲ୍ଲୀ,୨୫।୫: ଦେଶରେ ଷଷ୍ଠ ପର୍ଯ୍ୟାୟ ପାଇଁ ଭୋଟ ଆରମ୍ଭ ହୋଇଯାଇଛି। ତେବେ ମତଦାନ ଠିକ୍ ପୂର୍ବରୁ ପୂର୍ବରୁ ରାଜନୈତିକ ବିଶ୍ଳେଷକ ଯୋଗେନ୍ଦ୍ର ଯାଦବ ତାଙ୍କର ଶେଷ ଭବିଷ୍ୟବାଣୀ ପ୍ରକାଶ କରିଛନ୍ତି। ଏହି ନିର୍ବାଚନ ସମ୍ପର୍କରେ ତାଙ୍କର ଅନ୍ତିମ ମୂଲ୍ୟାଙ୍କନ ବୋଲି ବର୍ଣ୍ଣନା କରି ସେ ସୋସିଆଲ ମିଡିଆରେ ଏକ ଭିଡିଓ ମଧ୍ୟ ଶେୟାର କରିଛନ୍ତି।
ଏହି ଭିଡିଓରେ ସେ କହିଛନ୍ତି ଯେ ତାଙ୍କ ଅନୁଯାୟୀ ଭାଜପା ଏବଂ ବିରୋଧୀ ଇଣ୍ଡିଆ ମେଣ୍ଟ ଏଥର ଲୋକ ସଭା ନିର୍ବାଚନରେ କେତେ ଆସନ ଜିତିବାକୁ ଯାଉଛି। ଏହା ବ୍ୟତୀତ ସେ କହିଛନ୍ତି ଯେ, ଏଥର କାହା ସରକାର ଗଠନ ହେବାକୁ ଯାଉଛି।
ଲୋକ ସଭା ନିର୍ବାଚନରେ ତାଙ୍କର ଅନ୍ତିମ ମୂଲ୍ୟାଙ୍କନ କରି ଯୋଗେନ୍ଦ୍ର ଯାଦବ କହିଛନ୍ତି ଯେ ଏଥର ଭାଜପା ୨୪୦ ରୁ ୨୬୦ଟି ଆସନ ଜିତିପାରିବ। ଯେଉଁଠାରେ ଭାଜପା ସହଯୋଗୀମାନେ ନିର୍ବାଚନରେ ୩୫ ରୁ ୪୫ ଟି ସିଟ ହାସଲ କରିପାରନ୍ତି।
ଯୋଗେନ୍ଦ୍ର ଯାଦବ ଏହି ଭିଡିଓରେ ଦାବି କରିଛନ୍ତି ଯେ ନିର୍ବାଚନରେ କଂଗ୍ରେସ ୮୫ରୁ ୧୦୦ଟି ସିଟ ଜିତିପାରିବ। ଯେଉଁଠାରେ ମେଣ୍ଟର ଅନ୍ୟ ଦଳ ୧୨୦ ରୁ ୧୩୫ ଲୋକ ସଭା ଆସନ ଜିତିପାରନ୍ତି।