କରୋନା ମହାମାରୀ ଯୋଗୁ ଅଧିକାଂଶ ଲୋକଙ୍କ ଜୀବନଶୈଳୀରେ ଅନେକ ପରିବର୍ତ୍ତନ ଆସିଛି। ଏହି ସମୟ ମଧ୍ୟରେ କିଛି ଲୋକ ଲକ୍ଡାଉନ୍ ହେତୁ ବହୁତ ଉଦାସୀନ ଥିଲେ। ଫଳରେ ଅଜବ ପଦକ୍ଷେପ ସବୁ ଗ୍ରହଣ କରିଛନ୍ତି। ଏମିତି ଏକ ଘଟଣା ସାମ୍ନାକୁ ଆସିଛି। ଯେଉଁଠି ଜଣେ ଯୁବକ ନିଜର ଏକଲାପଣ ଦୂର କରିବାକୁ ଫେସ୍ବୁକ୍ର ସାହାରା ନେଇଛନ୍ତି। ଏଥିରେ ସେ ନିଜର ସମସ୍ତ କଥା ଶେୟାର କରୁଛନ୍ତି। ଘରଠାରୁ ଆରମ୍ଭ କରି ପୋଷା କୁକୁର ପର୍ଯ୍ୟନ୍ତ।
ଏପରି ଘଟଣା ଦେଖିବାକୁ ମିଳିଛି ବ୍ରିଟେନ୍ରେ। ନର୍ଥଶାୟାରର ୩୦ ବର୍ଷୀୟ ଆଲାନ କ୍ଲିଟନ ବର୍ତ୍ତମାନ ସୁଦ୍ଧା ଅବିବାହିତ ଅଛନ୍ତି। ସେ ଅନେକ ଡେଟିଂ ଆପ୍ ବ୍ୟବହାର କରିଥିଲେ। କିନ୍ତୁ କୌଣସି ସାଥୀ ଖୋଜି ପାରି ନ ଥିଲେ। ପରେ ନିଜ ସେଲର ସେଟ୍ ଅପ୍ କରିବାର ତାଙ୍କର ଆଇଡିଆ ଆସିଲା।
ବୃତ୍ତି ଅନୁଯାୟୀ ଆଲାନ୍ ଜଣେ ଡ୍ରାଇଭର। ମାଗଣା ଏବଂ ବ୍ୟବହାର ପାଇଁ ଭଲ ବୋଲି ଫେସ୍ବୁକରେ କହିଥିଲେ। ନିଜକୁ ବିକ୍ରୟ କରିବାକୁ ପ୍ରସ୍ତୁତ ଥିବା ଆଲାନ ଫେସ୍ବୁକ୍ରେ ଲେଖିଥିଲେ। ଏହି ପୋଷ୍ଟକୁ ଲୋକେ ପସନ୍ଦ କରିବା ସହ ଭିନ୍ନ ଭିନ୍ନ ପ୍ରତିକ୍ରିୟା ମଧ୍ୟ ଦେଉଛନ୍ତି।
ସୋସିଆଲ ମିଡିଆରେ ଆଲାନଙ୍କ ଫେସବୁକ୍ ପୋଷ୍ଟ ତୀବ୍ର ଗତିରେ ଭାଇରାଲ ହେବାରେ ଲାଗିଛି। ସେ ଏହି ପୋଷ୍ଟରେ ଅନେକ ଫଟୋ ମଧ୍ୟ ଶେୟାର କରିଛନ୍ତି। ଫଟୋଗୁଡ଼ିକ ଲୋକଙ୍କୁ ଭଲ ଲାଗୁଥିବାରୁ ସେମାନେ ମଧ୍ୟ ଏହାକୁ ଶେୟାର କରୁଛନ୍ତି। ତାଙ୍କ ପୋଷ୍ଟ ଦେଖି ଅନେକ ଯୁବତୀ ତାଙ୍କ ସହ ଏବେ ଡେଟ୍ କରିବାକୁ ଅନୁରୋଧ କରୁଛନ୍ତି।