ମେଣ୍ଢା ଛୁଆଗୁଡ଼ିକ ଦେଖିବାକୁ ବହୁତ ସୁନ୍ଦର। ତେବେ ଆଜି ଆମେ ଏମିତି ଏକ ମେଣ୍ଢା ଛୁଆ ବିଷୟରେ କହିବୁ ଯିଏ ଦେଖିବାକୁ ଯେତିକି ସୁନ୍ଦର ସେତିକି ଆଶ୍ଚର୍ଯ୍ୟଜନକ ମଧ୍ୟ। କାରଣ ଏହାର କାନ ଏତେ ଲମ୍ବା ଯେ, ତାହା ତଳେ ଘୋଷାଡ଼ି ହୁଏ। ଏଇ ଲମ୍ବା କାନ ଥିବା ମେଣ୍ଢା ଛୁଆର ନାମ ହେଉଛି ସିମ୍ବା। ପଞ୍ଜାବର ସିନ୍ଧ ପ୍ରାନ୍ତରେ ଜୁନ୍ ୪ରେ ମମି ନାମକ ମେଣ୍ଢା ଏହି ଅଜବ ମେଣ୍ଢା ଛୁଆକୁ ଜନ୍ମ ଦେଇଛି। ଜନ୍ମ ସମୟରେ ଏହାର କାନର ଲମ୍ବ ୪୮ ସେ.ମି. ଥିଲା। ହେଲେ ମାସକ ଭିତରେ ତାହା ଆହୁରି ଲମ୍ବା ହୋଇ ୫୬ ସେ.ମି. ହୋଇଗଲାଣି। ତେଣୁ ସେ ଚାଲିବାବେଳେ କାନ ଦୁଇଟି ତଳେ ଘୋଷାଡ଼ି ହେଉଛି। ଆଉ କାନ ମଇଳା ହୋଇଯାଉଛି। ତେଣୁ ମାଲିକ ମହମ୍ମଦ ହସନ ଅଖାକୁ କାଟି ସିଲେଇକରି କାନରେ ଲଗାଇ ଦେଉଛନ୍ତି। ଏବେ ମହମ୍ମଦଙ୍କ ଘରେ ମେଣ୍ଢା ଛୁଆକୁ ଦେଖିବାକୁ ଲୋକଙ୍କ ଭିଡ ଲାଗି ରହୁଛି। ବିଭିନ୍ନ ଗଣମାଧ୍ୟମ ମେଣ୍ଢାଛୁଆକୁ ନେଇ ଅନେକ ପ୍ରୋଗ୍ରାମ କରିଛନ୍ତି। ମହମ୍ମଦ ଆଶା ରଖିଛନ୍ତି ତାଙ୍କ ମେଣ୍ଢା ଛୁଆର ନାମ ଗିନିଜ ଓ୍ବାର୍ଲଡ ରେକର୍ଡସ୍ରେ ନିଶ୍ଚୟ ସାମିଲ ହେବ।