ବାଉଁଶୁଣୀ,୧୨ା୧୨(ଡି.ଏନ.ଏ.): ବୌଦ୍ଧ ଜିଲା ମନମୁଣ୍ଡା ଥାନା ଅଧୀନ ବଉଲପୁର ଗ୍ରାମର ଛେଳି ବ୍ୟବସାୟୀ ଜଗନ୍ନାଥ ଜାଲ ଲୁଟ୍ର ଶିକାର ହୋଇଛନ୍ତି। ପଲାସାଗୋରା ବଜାରରୁ ସେ ଫେରୁଥିବା ବେଳେ ବାଘମୁଣ୍ଡା ଗଁା ନିକଟରେ ୪ଜଣ ଦୁର୍ବୃତ୍ତ ତାଙ୍କୁ ବନ୍ଧୁକ ଦେଖାଇ ୭୦ହଜାର ୫ଶହ ଟଙ୍କା ଓ ବାଇକ ଲୁଟି ନେଇଛନ୍ତି। ଲୁଟ୍ ପରେ ଭୟଭୀତ ହୋଇ ପଡିଥିବା ଜଗନ୍ନାଥଙ୍କ ମାନସିକ ସ୍ଥିତି ଠିକ୍ ନ ଥିବାରୁ ତାଙ୍କ ପୁଅ ପିତାମ୍ବର ଜାଲ ମନମୁଣ୍ଡା ଥାନାରେ ଅଭିଯୋଗ କରିଛନ୍ତି। ଘଟଣାର ତଦନ୍ତ କରି ଖୁବ୍ଶୀଘ୍ର ଲୁଟେରାଙ୍କୁ ଧରିବା ସହିତ ଟଙ୍କା ଓ ଗାଡି ଜବତ କରାଯିବ ବୋଲି ଆଇଆଇସି ଗୋପିନାଥ ପ୍ରଧାନ କହିଛନ୍ତି। ଅଭିଯୋଗ ମୁତାବକ ଶନିବାର ଛେଳି କିଣିବାକୁ ଜଗନ୍ନାଥ ୭୦ହଜାର ୫ଶହ ଟଙ୍କା ଧରି ପଲସାଗୋରା ସାପ୍ତାହିକ ବଜାରକୁ ଯାଇଥିଲେ। ହେଲେ ମନ ପସନ୍ଦର ଛେଳି ନ ମିଳିବାରୁ ସନ୍ଧ୍ୟା ପ୍ରାୟ ୭ଟାରେ ବାଇକ (ଓଡି ୩୧ଡି ୮୦୪୬)ରେ ଘରକୁ ଫେରୁଥିବା ବେଳେ ଲୁଟ୍ର ଶିକାର ହୋଇଥିଲେ।