ଜାପାନର ରାଜଧାନୀ ଟୋକିଓରେ ଅନେକ ବୁଦ୍ଧ ମନ୍ଦିର ଅଛି, ଯାହା ହଜାର ହଜାର ବର୍ଷ ପୁରୁଣା। ଏହି ମନ୍ଦିରଗୁଡ଼ିକ ମଧ୍ୟରୁ ଗୋଟିଏରେ ହିନ୍ଦୁମାନଙ୍କର ଦେବତା ଗଣେଶଙ୍କ ମୂର୍ତ୍ତି ରଖାଯାଇଛି। ଅଷ୍ଟମ ଶତାବ୍ଦୀରେ ନିର୍ମିତ ଏହି ମନ୍ଦିରର ନାମ ମାଶ୍ଚୁଚିଆମା ଶୋଟେନ। ଯେଉଁଠାରେ ରଖାଯାଇଥିବା ଗଣେଶ ମୂର୍ତ୍ତିକୁ ବୌଦ୍ଧମାନେ ପୂଜା କରନ୍ତି।
ଜାପାନରେ ଥିବା ଗଣେଶ (କେଙ୍ଗିଟେନ)ଙ୍କୁ ଶକ୍ତିଶାଳୀ ଭଗବାନ ଭାବରେ ଗ୍ରହଣ କରାଯାଏ। ମନ୍ତ୍ର-ତନ୍ତ୍ର ସାହାଯ୍ୟରେ ଗଣେଶଙ୍କୁ ବିଶେଷ ଉପାସନା କରାଯାଏ। ଏଠାରେ ଗଣେଶଙ୍କ ଅନୁଗାମୀମାନଙ୍କ ସଂଖ୍ୟା ବଢ଼ିବାରେ ଲାଗିଛି। ଯାହାକି ସୁବର୍ଣ୍ଣ ଯୁଗ ସମୟରେ ଉଲ୍ଲେଖ କରାଯାଇଛି। ବର୍ତ୍ତମାନ ଜାପାନରେ ଗଣେଶଙ୍କ ପ୍ରାୟ ୨୫୦ ମନ୍ଦିର ରହିଛି। କିନ୍ତୁ ପ୍ରତ୍ୟେକ ଗଣେଶଙ୍କୁ ଅଲଗା ଅଲଗା ନାମରେ ସମ୍ବୋଧନ କରାଯାଏ। ଯେପରିକି କେଙ୍ଗିଟେନ, ଶଟେନ, ଗଣପତି ଏବଂ ବିନାୟକେତନ (ବିନାୟକ) ଭଳି ନାମରେ ଡକାଯାଏ।
ବୌଦ୍ଧଧର୍ମୀମାନେ ଗଣେଶଙ୍କୁ ଏକ ମାଈହାତୀ ସହିତ ବାନ୍ଧି ରଖିଛନ୍ତି। ଏହାକୁ ଶକ୍ତି କୁହାଯାଏ। ଏହି ମୂର୍ତ୍ତି ପୁରୁଷ ଏବଂ ସ୍ତ୍ରୀର ମିଶ୍ରଣରୁ ଜନ୍ମିତ ଶକ୍ତିର ପ୍ରତୀକ। ଅବଶ୍ୟ ଗଣେଶଙ୍କ ମୂର୍ତ୍ତି କିମ୍ବା ଏପରି ଫଟୋ ମନ୍ଦିର ବାହାରେ ଲଗାଯାଇନାହିଁ। ଏହି ମୂର୍ତ୍ତିକୁ କାଠ ବାକ୍ସରେ ସଜ୍ଜିତ କରି ରଖାଯାଇଛି। ଯାହାକୁ ପ୍ରତିଦିନ ପୂଜା କରାଯାଏ। କେବଳ ଏକ ନିର୍ଦ୍ଦିଷ୍ଟ ସମୟରେ ମୂର୍ତ୍ତି ବାହାର କରାଯାଇଥାଏ ଏବଂ ଏହାର ପୂଜା ସମସ୍ତଙ୍କ ସାମ୍ନାରେ କରାଯାଇଥାଏ ।
ଜାପାନର ଗଣେଶଙ୍କର ସବୁଠାରୁ ବଡ଼ ମନ୍ଦିର ହେଉଛି ମାଉଣ୍ଟ ଇକୋମା। ଏହି ମନ୍ଦିର ଓସାକା ସହର ବାହାରେ ଦକ୍ଷିଣ ଭାଗରେ ଅବସ୍ଥିତ। ୧୭୦୦ ଶତାବ୍ଦୀରେ ନିର୍ମିତ ଏହି ମନ୍ଦିର ବିଷୟରେ ଅନେକ କାହାଣୀ ଅଛି। ଏହି ମନ୍ଦିର ପ୍ରତି ଲୋକମାନଙ୍କର ବହୁତ ବିଶ୍ୱାସ ଅଛି । ଏହି ମନ୍ଦିରରେ ଭଗବାନ ଗଣେଶଙ୍କୁ ଦର୍ଶନ କଲେ ଅନେକ ଶୁଭଫଳ ପ୍ରାପ୍ତି ହୋଇଥାଏ। ଏହି କାରଣରୁ ଏଠାରେ ଅନେକ ଦାନଧର୍ମ ମଧ୍ୟ କରାଯାଇଥାଏ।
