କରୋନା ଭାଇରସ ଯୋଗୁ ଜାରି ରହିଥିବା ଲକ୍ଡାଉନ୍ ସମୟରେ ଲୁଡୋ ଖେଳ ପରିବାରର ପ୍ରିୟ ଖେଳ ପାଲଟିଲା। ପରିବାର ସଦସ୍ୟ ଏକାଠି ବସି ଲୁଡୋ ଖେଳିବାକୁ ଲାଗିଲେ। କିନ୍ତୁ ଏହି ଲୁଡୋ ଖେଳରେ ବାପା ଝିଅକୁ ହରାଇବାରୁ ସମ୍ପର୍କ ଭାଙ୍ଗଯିବାକୁ ବସିଛି। ହାରିଯାଇଥିବା ଝିଅ ଏବେ ନିଜ ବାପାଙ୍କ ସହ ସମ୍ପର୍କ ରଖିବାକୁ ଚାହୁଁ ନାହାନ୍ତି। ମାମଲା ଯାଇ ଏବେ ପହଞ୍ଚିିଛି ପାରିବାରିକ କୋର୍ଟରେ। ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ କଥାଟା ସତ।
ବର୍ତ୍ତମାନ ପର୍ଯ୍ୟନ୍ତ ଖେଳ ମଉଜ ମସ୍ତି ଏବଂ ସମ୍ପର୍କ ସ୍ଥାପନ କରିବାର ଏକ ମାଧ୍ୟମ ଥିଲା। ହେଲେ ପରିବର୍ତ୍ତିତ ସମୟ ଯୋଗୁ ଏବେ ଖେଳ ସମ୍ପର୍କ ଭାଙ୍ଗିବାର କାରଣ ସାଜିଛି। ମଧ୍ୟପ୍ରଦେଶର ରାଜଧାନୀ ଭୋପାଳର ଏମିତି ଏକ ଘଟଣା ସାମ୍ନାକୁ ଆସିଛି । ୨୪ ବର୍ଷର ଜଣେ ଯୁବତୀ ବାପା ଏବଂ ଭାଇ ଭଉଣୀଙ୍କ ସହ ମିଶି ଲୁଡୋ ଖେଳୁଥିଲେ। ଏହି ଖେଳରେ ବାପା ଝିଅକୁ ହରାଇ ଦେଲେ। ଏହା ଝିଅଙ୍କ ମନରେ ଏମିତି ପ୍ରଭାବ ପକାଇଲା ଯେ, ସେ ବାପାଙ୍କ ସହ ସବୁଦିନ ପାଇଁ ସମ୍ପର୍କ ଛିିନ୍ନ କରିବାକୁ ନିଷ୍ପତ୍ତି ନେଲେ। ବାପାଙ୍କୁ ଘୃଣା ମଧ୍ୟ କରିବାକୁ ଲାଗିଲେ। ପରେ ଏହି ଘଟଣା ପାରିବାରିକ କୋର୍ଟରେ ପହଞ୍ଚିଲା। କୋର୍ଟର ପରାମର୍ଶଦାତା ସରିତା ରଜନୀ କୁହନ୍ତି, ୨୦ ବର୍ଷର ଜଣେ ଯୁବତୀ ତାଙ୍କ ନିକଟକୁ ଆସି କହିଥିଲେ ଯେ, ସେ ନିଜ ବାପା ଓ ଭାଇଙ୍କ ସହ ଲୁଡୋ ଖେଳୁଥିଲେ। ଏହି ସମୟରେ ତାଙ୍କ ବାପା ତାଙ୍କୁ ଖେଳରେ ହରାଇଦେଲେ। ଏହା ପରେ ସେ ଅନୁଭବ କରିବାକୁ ଲାଗିଲେ ଯେ, ବାପାଙ୍କ ସହ ତାଙ୍କର ସମସ୍ତ ସମ୍ପର୍କ ଶେଷ ହୋଇଯାଇଛି। ଯେଉଁ ବାପା ତାଙ୍କ ପାଇଁ ସବୁକିଛି କରୁଥିଲେ, ତାଙ୍କୁ ସମସ୍ତ ପ୍ରକାରର ଖୁସି ଦେଉଥିଲେ, ଆସି ସେ କିପରି ହରାଇ ପାରିଲେ। ଏଥିପାଇଁ ଯୁବତୀ ଆଉ ତାଙ୍କୁ ବାପା କହିବାକୁ ମଧ୍ୟ ଚାହୁଁ ନାହାନ୍ତି। ସରିତା ଏଥିପାଇଁ ତାଙ୍କୁ ବହୁତ ବୁଝାଇବା ପରେ ସାମାନ୍ୟ ସୁଧାର ଆସିଥିବା ସେ କହିଛନ୍ତି।
