କୋଲକାତା,୧୬।୮ : ଭାରତୀୟ କ୍ରିକେଟ ଦଳର ୱେଷ୍ଟଇଣ୍ଡିଜ ଗସ୍ତ ଭଲ ଖରାପ ମିଶ୍ରିତ ରହିଛି। ଟେଷ୍ଟ ସିରିଜକୁ ୧-୦ ରେ ଜିତିବା ପରେ ଟିମ ଇଣ୍ଡିଆ ଆୟୋଜକ ଦଳଙ୍କୁ ୨-୧ରେ ପରାସ୍ତ କରିଥିଲା। ତେବେ ଭାରତ ଟି-୨୦ ସିରିଜ ଜିତି ପାରି ନାହିଁ। ପ୍ରଥମ ଦୁଇଟି ମ୍ୟାଚ ହାରିଯିବା ପରେ ଟିମ ଇଣ୍ଡିଆ ସିରିଜକୁ ୨-୨କୁ ଆଣିଥିଲା। କିନ୍ତୁ ଶେଷ ମ୍ୟାଚ ଜିତିବା ପରେ ୱେଷ୍ଟଇଣ୍ଡିଜ ସିରିଜକୁ ୩-୨ରେ ଜିତି ନେଇଥିଲା। ଯୁବ ଖେଳାଳିମାନେ ବ୍ୟକ୍ତିଗତ ଭାବେ ଭଲ ପ୍ରଦର୍ଶନ କରିଥିଲେ କିନ୍ତୁ ଦଳ ଟି-୨୦ ସିରିଜରେ ଫର୍ମ ବାହାରେ ଥିବା ପରି ଦେଖାଯାଇଥିଲା। ଭାରତର ପୂର୍ବତନ ଅଧିନାୟକ ସୁନୀଲ ଗାଭାସ୍କର ଟି -୨୦ ଫଳାଫଳ ଦେଖିବା ପରେ ଏକ ଆକର୍ଷଣୀୟ ବିବୃତ୍ତି ଦେଇଛନ୍ତି।
ଗାଭାସ୍କର ଏକ ସାକ୍ଷାତକାରରେ କହିଛନ୍ତି, ଜଣେ ଖେଳାଳି ଫ୍ରାଞ୍ଚାଇଜ ସ୍ତରରେ ଭଲ ପ୍ରଦର୍ଶନ କରିପାରନ୍ତି, କିନ୍ତୁ ଯେତେବେଳେ ଦେଶ ପାଇଁ ସେ ଖେଳିବାର କଥା ଆମେ, ସେତେବେଳେ ଚାପ ଏବଂ ଆଶା ବଢ଼ ିଯାଏ। ଏଠାରେ ଶ୍ରେଷ୍ଠ ପ୍ରଦର୍ଶନକାରୀମାନଙ୍କୁ ମଧ୍ୟ ସଂଘର୍ଷ କରିବାକୁ ପଡ଼ିଥାଏ।
ଆମେ କେତେଥର ଏହା ଦେଖିଛୁ ଯେତେବେଳେ ୧୯ ବର୍ଷରୁ କମ ବୟସ୍କ ଖେଳାଳି ସିନିୟର ଦଳରେ ଭଲ ପ୍ରଦର୍ଶନ କରିବାକୁ ସକ୍ଷମ ନୁହଁନ୍ତି। ତିନିଜଣ ଖେଳାଳି ଟିମ ଇଣ୍ଡିଆ ପାଇଁ ଟି-୨୦ ସିରିଜରେ ଡେବ୍ୟୁ କରିଥିଲେ। ଯଶସ୍ବୀ ଜୈସୱାଲଙ୍କ ବ୍ୟତୀତ ତିଲକ ବର୍ମା ଏବଂ ମୁକେଶ କୁମାର ଖେଳିବାର ସୁଯୋଗ ପାଇଥିଲେ।
ଯୁବକମାନଙ୍କ ପାଇଁ ସିନିୟର ସ୍ତରରେ ଖେଳିବା ଭିନ୍ନ। ଗାଭାସ୍କର କହିଛନ୍ତି, ପିଲାମାନେ ପିଲାମାନଙ୍କ ବିପକ୍ଷରେ ଖେଳିବା ଦେଖିବାକୁ ଭଲ ଲାଗିଥାଏ। ଯେତେବେଳେ ସେମାନେ ସିନିୟର ଦଳ ବିପକ୍ଷରେ ଖେଳନ୍ତି, ସେମାନେ ହଠାତ ଅନୁଭବ କରନ୍ତି ଅଣ୍ଠର ୧୯ସ୍ତରରେ କେକ ଖଣ୍ଡ ଭଳି ଦେଖାଯାଉଥିବା, ସିନିୟର ସ୍ତରରେ ଭିନ୍ନ ଅଟେ। ୱେଷ୍ଟଇଣ୍ଡିଜ ବିପକ୍ଷରେ ଟି-୨୦ ସିରିଜ ହାରିବା ଭାରତୀୟ ଦଳ ପାଇଁ ନିରାଶାଜନକ ହେବା ଉଚିତ ନୁହେଁ କାରଣ କାରିବିଆନ ଖେଳାଳିମାନେ ଇତିହାସରେ ଦୁଇଥର ଟି-୨୦ ବିଶ୍ୱକପ ଜିତିଛନ୍ତି।
ଗାଭାସ୍କର କହିଛନ୍ତି, ୱେଷ୍ଟଇଣ୍ଡିଜ ଦ୍ୱାରା ପରାସ୍ତ ହେବା ନିରାଶାଜନକ ନୁହେଁ। ଭୁଲନ୍ତୁ ନାହିଁ ସେମାନେ ଦୁଇଥର ଆଇସିସି ଟି -୨୦ ବିଶ୍ୱକପ ଜିତିଛନ୍ତି ଏବଂ ସେମାନଙ୍କ ଖେଳାଳିମାନେ ଆଇପିଏଲରେ ଖେଳୁଥିବା ବିଭିନ୍ନ ଫ୍ରାଞ୍ଚାଇଜ ପାଇଁ ମ୍ୟାଚ ବିଜେତା ଅଟନ୍ତି। ସେଥିପାଇଁ ସେମାନେ ଶୀର୍ଷରେ ଅଛନ୍ତି। ଭଲ ଟି -୨୦ ଦଳଠାରୁ ହାରିବାରେ ଲଜ୍ଜାଜନକ ନୁହେଁ। ତେବେ ଏହାର ସ୍ଥିତିକୁ ମଜବୁତ କରିବା ପାଇଁ ଭାରତ କେଉଁ କ୍ଷେତ୍ରରେ ଉନ୍ନତି ଆଣିବା ଆବଶ୍ୟକ ତାହା ଏକ ଚେତାବନୀ ହୋଇପାରେ।
