ପ୍ରାୟତଃ ପ୍ରାଣୀଙ୍କୁ ନେଇ ସୋସିଆଲ ମିଡିଆରେ କିଛି ନା କିଛି ଭିଡିଓ ଏବଂ ଫଟୋ ଭାଇରାଲ ହୋଇଥାଏ। ଟୁଇଟରରେ ଏବେ ଏକ ଭିଡିଓ ବହୁତ ଭାଇରାଲ ହେବାରେ ଲାଗିଛି। ଏଥିରେ ୨ ପକ୍ଷୀଙ୍କୁ ଦେଖିବାକୁ ମିଳୁଛି। ଗୋଟିଏ ପକ୍ଷୀ ରାସ୍ତାରେ ଅଚେତ ହୋଇ ପଡ଼ିଥିବା ବେଳେ ଅନ୍ୟ ପକ୍ଷୀଟି ତାହା ପାଖକୁ ଆସି ପାଟି କରି ଥଣ୍ଟ ମାରି ତାକୁ ଉଠେଇବାକୁ ଚେଷ୍ଟା କରୁଛି। ତାହାର ଶବ୍ଦଶୁଣି ଅନ୍ୟ ପକ୍ଷୀମାନେ ମଧ୍ୟ ଆସୁଛନ୍ତି। ମାତ୍ର ପକ୍ଷୀଟି ନ ଉଠିବାରୁ ସେମାନେ ଚାଲି ଯାଉଛନ୍ତି। ଭିଡିଓକୁ ଭାରତୀୟ ବନସେବା ଅଧିକାରୀ ସୁଶାନ୍ତ ନନ୍ଦ ତାଙ୍କ ଟୁଇଟରରେ ଶେୟାର କରିଛନ୍ତି। ଏହି ଭିଡିଓଟି ଅଧିକ ଭାଇରାଲ ହେବାରେ ଲାଗିଛି।