ଲଭ୍ ସେକ୍ସ ଧୋକା: ଗର୍ଲଫ୍ରେଣ୍ଡ ସହିତ ବିଶ୍ୱାସଘାତକତା କରି ‘ଲଛକ ମଣି ବେବି’ କଣ୍ଠଶିଳ୍ପୀ ଗିରଫ

ଭୁବନେଶ୍ୱର,୩/୧୧: ବିବାହର ପ୍ରତିଶ୍ରୁତି ଦେଇ ଯୁବତୀଙ୍କ ସହିତ ଶାରୀରିକ ସମ୍ପର୍କ ରଖି ଧୋକା ଦେବା ଅଭିଯୋଗରେ ଲୋକପ୍ରିୟ ଓଲିଉଡର ଗାୟକ ଦେବେଶ ପତି ଗିରଫ ହୋଇଛନ୍ତି। ପୀଡିତାଙ୍କ ଅଭିଯୋଗକୁ ଭିତ୍ତି କରି ନୟାପଲ୍ଲୀ ପୋଲିସ ୧୦୩/୨୦୨୩ ଏକ ମାମଲା ରୁଜୁ କରି ଗାୟକଙ୍କୁ ଗିରଫ କରିଥିଲା। ପରେ ଦେବେଶଙ୍କୁ କୋର୍ଟରେ ହାଜର କରି ଘଟଣାର ଅଧିକ ତଦନ୍ତ କରୁଛି ପୋଲିସ।

ପୋଲିସ ନିକଟରେ ଦିଆଯାଇଥିବା ଅଭିଯୋଗ ଅନୁଯାୟୀ, ଦେବେଶ ବିବାହର ବାହାନା କରି ଭଦ୍ରକର ଜଣେ ଯୁବତୀଙ୍କ ସହିତ ବନ୍ଧୁତା କରିଥିଲେ। ଅଭିଯୋଗ ହୋଇଥିଲା ଯେ ସେ ବାରମ୍ବାର ବିବାହର ମିଥ୍ୟା ପ୍ରତିଶ୍ରୁତି ଦେଇ ତାଙ୍କ ସହ ଶାରୀରିକ ସମ୍ପର୍କ ରଖିଥିଲେ ଏବଂ ତାଙ୍କଠାରୁ ବିପୁଳ ପରିମାଣର ଟଙ୍କା ମଧ୍ୟ ନେଇଥିଲେ।

ପରେ, ସେ ତାଙ୍କ ସହିତ ପ୍ରତାରଣା କରିଥିଲେ ଏବଂ ଯେତେବେଳେ ଦେଵେଶଙ୍କ ନିକଟକୁ ତାଙ୍କ ଟଙ୍କା ମାଗିବାକୁ ଆସୁଥିଲେ ଆସିଥିଲେ ସେତେବେଳେ ସେ ନିଜକୁ ଦୂରେଇ ରଖିବାକୁ ଚେଷ୍ଟା କରିଥିଲେ। ଦେବେଶ ପୀଡିତାଙ୍କୁ ମାନସିକ ଏବଂ ଶାରୀରିକ ନିର୍ଯାତନା ତଥା ଯୌନ ନିର୍ଯାତନା ଦେଇଥିବା ପୀଡିତା ଅଭିଯୋଗ କରିଛନ୍ତି।

ଅଭିଯୋଗକୁ ଭିତ୍ତି କରି ନୟାପଲ୍ଲୀ ପୋଲିସ ତାଙ୍କୁ ଯାଜପୁରରୁ ଗିରଫ କରିଛି। ହ୍ୱାଟ୍ସଆପ୍ ଚାଟ୍ ଏବଂ ଟଙ୍କା କାରବାରକୁ ଆଧାର କରି ପୋଲିସ ତାଙ୍କୁ ଗିରଫ କରିଥିବା ଜଣାଯାଇଛି। ଯୁବତୀ ଜଣକ ଦେଵେଶଙ୍କ ନାଁରେ ଭଦ୍ରକ ଥାନାରେ ମଧ୍ୟ ଅଭିଯୋଗ କରିଛନ୍ତି।

ଦେବେଶ ‘ଲଛକ ମଣି ବେବି’, ‘ଚାଲିରେ ତୋରା ପଦ୍ମ ଫୁଟ୍’, ‘ଶେହଜାଦି’, ‘ଦିୱାନା’, ‘ତୁ ସୁନା ତୁ ହୀରା’, ‘ତମେ ଯଦି ଗଢି ଦିଅ’ ଭଳି ଗୀତ ପାଇଁ ଜଣାଶୁଣା। ତେବେ ଏହି ଅଭିଯୋଗ ଉପରେ ଦେବେଶ ପତି ଏବଂ ତାଙ୍କ ପରିବାର ସଦସ୍ୟଙ୍କଠାରୁ କୌଣସି ମନ୍ତବ୍ୟ ମିଳିପାରି ନାହିଁ।