ମୁମ୍ବାଇ: ଖିଲାଡ଼ି କିଙ୍ଗ୍ ଅକ୍ଷୟ କୁମାର ଏବଂ ଟ୍ବିଙ୍କିଲ ଖାନ୍ନାଙ୍କ ଯୋଡ଼ି ବଲିଉଡ୍ରେ ସର୍ବୋତ୍ତମ ଯୋଡ଼ି ଭାବରେ ଗଣନା କରାଯାଏ। ୨୦୦୧ ଜାନୁୟାରୀ ୧୭ରେ ଏହି ଯୋଡ଼ି ବିବାହ ବନ୍ଧନରେ ବାନ୍ଧି ହୋଇଥିଲେ। ତେବେ ଏହି ଦୁହିଁଙ୍କ ପ୍ରେମକାହାଣୀ କୌଣସି ଫିଲ୍ମ କାହାଣୀଠାରୁ କମ୍ ନୁହେଁ।
୯୦ ଦଶକରେ ରବିନା ଟଣ୍ଡନ, ଶିଳ୍ପା ଶେଟ୍ଟୀଙ୍କ ସମେତ ଅନ୍ୟ ଅଭିନେତ୍ରୀମାନଙ୍କ ସହ ଅକ୍ଷୟଙ୍କ ପ୍ରେମ ସମ୍ପର୍କକୁ ନେଇ ଖୁବ୍ ଚର୍ଚ୍ଚା ହେଉଥିଲା। ମାତ୍ର ଟ୍ବିଙ୍କିଲଙ୍କ ସହ ଅକ୍ଷୟଙ୍କ ସମ୍ପର୍କ ଗଭୀର ଥିଲା। ଫିଲ୍ମ ଇଣ୍ଟରନ୍ୟାଶନାଲ ଖିଲାଡ଼ିର ଶୁଟିଂ ଶେଟ୍ରେ ଦୁହେଁ ନିକଟତର ହୋଇଥିଲେ। ଟ୍ବିଙ୍କିଲ କିନ୍ତୁ ଅକ୍ଷୟଙ୍କ ସହ ସମ୍ପର୍କ ରଖିବାକୁ ବିଶେଷ ଆଗ୍ରହୀ ନ ଥିଲେ। ସେ ଅକ୍ଷୟଙ୍କ ସହ ମାତ୍ର ୧୫ ଦିନ ସମୟ କାଟିବାକୁ ଯୋଜନା କରିଥିଲେ। ମାତ୍ର ଧୀରେ ଧୀରେ ଏହି ସମ୍ପର୍କ ବଢ଼ିବାକୁ ଲାଗିଲା।
ଅକ୍ଷୟ ପ୍ରଥମେ ଟ୍ବିଙ୍କଲଙ୍କୁ ବିବାହ ପ୍ରସ୍ତାବ ଦେଇଥିଲେ। ଟ୍ବିଙ୍କିଲ ପ୍ରଥମେ ଏହି ପ୍ରସ୍ତାବକୁ ପ୍ରତ୍ୟାଖ୍ୟାନ କରିଥିଲେ। ସେତେବେଳେ ତାଙ୍କ ଫିଲ୍ମ ‘ମେଲା’ ରିଲିଜ ହେବାର ଥିଲା। ପରେ ଅକ୍ଷୟ ଟ୍ବିଙ୍କିଲଙ୍କ ସାମ୍ନାରେ ଏକ ସର୍ତ୍ତ ରଖିଥିଲେ। ଯଦି ‘ମେଲା’ ଫ୍ଲପ ହୁଏ ତେବେ ଟ୍ବିଙ୍କଲ ତାଙ୍କୁ ବିବାହ କରିବେ। ଅକ୍ଷୟଙ୍କ ଏହି ସର୍ତ୍ତକୁ ମାନି ନେଇଥିଲେ ଟ୍ବିଙ୍କିଲ। ପରେ ଦୁହିଁଙ୍କ ବିବାହ ହୋଇଥିଲା। ବର୍ତ୍ତମାନ ପୁଅ ଆରବ ଏବଂ ଝିଅ ନିତାରାଙ୍କୁ ନେଇ ତାଙ୍କର ହସଖୁସିର ସଂସାର ରଥ ଆଜି ପର୍ଯ୍ୟନ୍ତ ଚାଲିଛି।