ଟୋକିଓ,୩୦।୭: ଭାରତୀୟ ବକ୍ସର ଲଭଲିନା ବୋର୍ଗୋହେନ ଟୋକିଓ ଅଲିମ୍ପିକ୍ସର ସେମିଫାଇନାଲରେ ପ୍ରବେଶ କରିଛନ୍ତି। ମହିଳା ୬୯ କିଲୋଗ୍ରାମ କ୍ୱାର୍ଟରଫାଇନାଲରେ ଲଭଲିନା ତାଇପେଇର ନିନ ଚିନ ଚେନଙ୍କୁ ପରାସ୍ତ କରିଛନ୍ତି। ଏହା ସହ ଲଭଲିନା ପଦକ ନିଶ୍ଚିତ କରିଛନ୍ତି। ସେ ଦ୍ୱିତୀୟ ମହିଳା ବକ୍ସର ହୋଇ ବକ୍ସିଂରେ ପଦକ ପକ୍କା କରିଛନ୍ତି। ଲଭଲିନାଙ୍କ ପୂର୍ବରୁ ଏମସି ମେରି କୋମ ମଧ୍ୟ ଲଣ୍ଡନ ଅଲିମ୍ପିକ୍ସରେ ବ୍ରୋଞ୍ଜ ପଦକ ଜିତିଥିଲେ। ତେବେ ସ୍ବର୍ଣ୍ଣ ପଦକ ଜିତିବାକୁ ଲଭଲିନାଙ୍କ ପାଖରେ ଆଉ ଦୁଇଟି ସୁଯୋଗ ରହିଛି।