ଲକ୍ଷ୍ନୌ,୨୭।୧: କାନପୁରର ଏକ ଜମିରେ ଥିବା ଆମ୍ବଗଛରେ ଆତ୍ମହତ୍ୟା କରିଛନ୍ତି ପ୍ରେମୀଯୁଗଳ। ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ଏହି ଘଟଣା ସମଗ୍ର ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି।
ସୂଚନାଯୋଗ୍ୟ, ମହିଳା ଜଣକ ବିବାହିତା ହୋଇଥିବା ବେଳେ ଅନ୍ୟ ଜଣେ ଯୁବକଙ୍କ ସହ ପ୍ରେମସମ୍ପର୍କ ଥିଲା। ସୋମବାର ସନ୍ଧ୍ୟାରେ ଏହି ଯୁବକଙ୍କ ସହ ଫୋନ୍ରେ କଥା ହେବା ସମୟରେ ତାଙ୍କ ମା’ ଦେଖି ଦେଇଥିଲେ। ଏହା ପରେ ପ୍ରବଳ ପିଟିଥିଲେ। ମାତ୍ର ସନ୍ଧ୍ୟାରେ ଘରୁ ସେ କେଉଁଆଡ଼େ ଚାଲିଯାଇଥିଲେ। ମଙ୍ଗଳବାର ସକାଳେ ପ୍ରେମିକଙ୍କ ସହ ଗଛରେ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା। ଆମ୍ବଗଛ ମୂଳରେ ଦୁଇଟି ମଦବୋତଲ ପଡ଼ିଥିବା ଦେଖିବାକୁ ପାଇଛି ପୋଲିସ।
ଜିଲା ପୋଲିସ ଅଧୀକ୍ଷକ କେଶବ କୁମାର କୁହନ୍ତି, ଗ୍ରାମବାସୀଙ୍କୁ ପଚାରିବାରୁ ସେମାନେ କୁହନ୍ତି ଏହି ଦୁଇଜଣଙ୍କ ମଧ୍ୟରେ ପ୍ରେମସମ୍ପର୍କ ଥିଲା। ଏହାକୁ ମହିଳାଙ୍କ ସ୍ବାମୀ ମଧ୍ୟ ଜାଣିଥିଲେ।