କାଳିଆପାଣି,୩୦।୧୧(ଡି.ଏନ.ଏ.): ପ୍ରେମିକାଙ୍କ ଭାଇକୁ ଖଣ୍ତାରେ ହାଣି ହତ୍ୟା କଲେ ପେମିକ। ଯାଜପୁର ଜିଲା କାଳିଆପାଣି ଥାନା ଅନ୍ତର୍ଗତ ଟାଟା ବଜାରରେ ଏଭଳି ଏକ ଆଶ୍ଚର୍ଯ୍ୟଜନକ ଘଟଣା ମଙ୍ଗଳବାର ଦେଖିବାକୁ ମିଳିଛି। ଏହାକୁ ନେଇ ଆଜି ବୁଧବାର ସକାଳୁ ଟମକା-ମଙ୍ଗଳପୁର ରାସ୍ତାକୁ ମୃତକଙ୍କ ପରିବାର ଧାରଣାରେ ବସିଥିବା ଜଣାପଡିଛି । ସୂଚନା ଅନୁଯାୟୀ, ସୁକିନ୍ଦା ସୁକିନ୍ଦା ବ୍ଲକ ଅନ୍ତର୍ଗତ ରାଁସୋଳ ଗ୍ରାମ ରବି ସାମଲଙ୍କ ପୁଅ ବିରେନ ସାମଲ ( ୩୨) ବାମ୍ବିଲୋ ଗ୍ରାମର ସନ୍ତୋଷ ମହାପାତ୍ରଙ୍କ ଝିଅଙ୍କ ସହ ପ୍ରେମ ସମ୍ପର୍କ ଥିଲା। ୧ ମାସ ପୂର୍ବରୁ ଝିଅକୁ ବିରେନ ନେଇ ଫେରାର ହୋଇଥିବା ବେଳେ ୮ ଦିନ ପୂର୍ବରୁ ପୁଣି ତାଙ୍କ ଘରେ ଆଣି ଛାଡି ଦେଇଥିଲେ । ଏପରି କାମକୁ ଝିଅର ଭାଇ କାହ୍ନୁ ମହାପାତ୍ର (୨୭) ବିରୋଧ କରୁଥିଲେ। ଏହାକୁ ନେଇ ଉଭୟଙ୍କ ମଧ୍ୟରେ ମଙ୍ଗଳବାର ସନ୍ଧ୍ୟାରେ ଯୁକ୍ତିତର୍କ ହୋଇଥିଲା। ଏହାପରେ ରାତି ପ୍ରାୟ ୮ .୪୫ରେ ଦୋକାନ ପାଇଁ ଆସିଥିବା କିଛି ହାଡୱୟାର ଜିନିଷ ବୋହିକି ନେବା ବେଳେ କାହ୍ନୁଙ୍କୁ ପଛପଟୁ ଖଣ୍ଡାରେ ଆକ୍ରମଣ କରିଥିଲେ ବିରେନ। ସ୍ଥାନୀୟ ଲୋକ ଉଦ୍ଧାର କରି ସୁକିନ୍ଦା ଡାକ୍ତରଖାନାକୁ ପଠାଇଥିବା ବେଳେ ସେଠାରେ ଡାକ୍ତର ମୃତ ଘୋଷଣା କରିଥିଲେ। ଏପରି ସମ୍ବେଦନଶୀଳ ଘଟଣାକୁ ନେଇ ଅଭିଯୁକ୍ତଙ୍କୁ କଠୋର ଦଣ୍ଡ ଦେବା ଦାବିରେ ଆଜି ରାସ୍ତାରେ ଧାରଣାରେ ବସିଛନ୍ତି।
