କୋଲକତା,୨୫।୫: ଆଇପିଏଲ ୨୦୨୨ର ଏଲିମିନେଟର ମ୍ୟାଚ ଆଜି ଲକ୍ଷ୍ନୌ ସୁପର ଜିଆଣ୍ଟସ ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମଧ୍ୟରେ କୋଲକାତାର ଇଡେନ ଗାର୍ଡେନ ଷ୍ଟାଡିୟମରେ ଖେଳାଯିବ। ଏହି ମ୍ୟାଚ୍ ଉଭୟ ଦଳ ପାଇଁ ଗୁରୁତ୍ୱପୂର୍ଣ୍ଣ। କାରଣ ଫାପ ଡୁ ପ୍ଲେସିସ ବନାମ କେଏଲ ରାହୁଲଙ୍କ ମଧ୍ୟରେ ହେବାକୁ ଥିବା ଏହି ମୁକାବିଲାର ପରାଜିତ ଦଳ ଟୁର୍ନାମେଣ୍ଟରୁ ବାଦ୍ ପଡିବ। ଦଳର ଶେଷ ଲିଗ ମ୍ୟାଚ୍ରେ ବିରାଟ କୋହଲି ଫର୍ମକୁ ଫେରି ୫୪ ବଲ୍ରୁ ୭୩ ରନ କରିଥିବାରୁ ଆର୍ସିବି ଆତ୍ମବିଶ୍ବାସରେ ରହିଛି। କୋହଲି ଫର୍ମକୁ ଫେରିବା ମଧ୍ୟ ଲକ୍ଷ୍ନୌ ପାଇଁ ଚିନ୍ତାର କାରଣ ହୋଇଛି। ଏହି ମ୍ୟାଚ୍ରେ ବର୍ଷା ବାଧକ ସାଜିବାର ସମ୍ଭାବନା ରହିଛି। ମଙ୍ଗଳବାର କୋଲକତାରେ ବର୍ଷା ହୋଇଛି ଏବଂ ବୁଧବାର ହେବାର ମଧ୍ୟ ସମ୍ଭାବନା ରହିଛି।
ଏହି ମ୍ୟାଚ୍ କୋଲକତାର ଇଡେନ ଗାର୍ଡେନ୍ସରେ ସନ୍ଧ୍ୟା ୭.୩୦ରୁ ଆରମ୍ଭ ହେବ। ଟସ୍ ସା ୭ଟାରେ ପଡିବ। ଷ୍ଟାର୍ ସ୍ପୋର୍ଟସ ନେଟୱାର୍କରେ ମ୍ୟାଚ୍ର ଲାଇଭ ଦେଖାଯାଇପାରିବ। ଆପଣ ହଟଷ୍ଟାରରେ ମଧ୍ୟ ଏହି ଉପଭୋଗ କରିପାରିବେ।