ନୂଆଦିଲ୍ଲୀ, ୨।୮ : ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଡାକ୍ତର ଭାବେ ଭାରତୀୟ ସେନାର ଲ୍ୟୁଟନାଟ ଜେନେରାଲ ଦଲଜିତ ସିଂଙ୍କୁ ନିଯୁକ୍ତ କରାଯାଇଛି। ଏସମ୍ପର୍କରେ ଭାରତୀୟ ସେନା ପକ୍ଷରୁ ସୂଚନା ପ୍ରଦାନ କରାଯାଇଛି। ଦଲଜିତ ୧୭ ଡିସେମ୍ବର୧୯୮୩ ରେ ବାୟୁସେନାରେ ନିଯୁକ୍ତ ହୋଇଥିଲେ।
ପୁଣେ ବିଶ୍ୱବିଦ୍ୟାଳୟରୁ ସେ ଶିଶୁ ଚିକିତ୍ସା ବିଭାଗରେ ଏମଡି ଡିଗ୍ରୀ ହାସଲ କରିଥିଲେ।ନ୍ୟାଶନାଲ ବୋର୍ଡ ଅଫ ଏକ୍ସାମସରୁ ଡିଏନବି (ପେଡିଆଟ୍ରିକ୍ସ) ଏବଂ ଡିଏମ (ନିଓନାଟୋଲୋଜି) ଡିଗ୍ରୀ ଚଣ୍ଡିଗଡ଼ ପିଜିଆଇଏମଇଆରରୁ ମଧ୍ୟ ହାସଲ କରିଛନ୍ତି।
ସମ୍ପ୍ରତି, ସେ ସଶସ୍ତ୍ର ବାହିନୀ ଚିକିତ୍ସା ସେବାରେ ବରିଷ୍ଠ-ଶିଶୁରୋଗ ବିଶେଷଜ୍ଞ ଏବଂ ନବଜାତ ଶିଶୁ ବିଶେଷଜ୍ଞ ଭାବେ କାର୍ଯ୍ୟ କରୁଛନ୍ତି।