ମୁମ୍ବାଇ,୭।୪: ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ୍)ର ଗୁରୁବାର ୧୫ତମ ମ୍ୟାଚରେ ଲକ୍ଷ୍ନୌ ସୁପର ଜିଆଣ୍ଟ୍ସ ଅଧିନାୟକ ଲୋକେଶ ରାହୁଲ ଟସ୍ ଜିତି ବୋଲିଂ ନିଷ୍ପତ୍ତି ନେଇଥିଲେ। ଏହାକୁ ସଠିକ୍ ପ୍ରମାଣ କରିଥିଲେ ବୋଲର। ଦିଲ୍ଲୀ ବ୍ୟାଟିଂ କରିବାକୁ ଆସି ନିର୍ଦ୍ଧାରିତ ୨୦ ଓଭରରେ ୩ ଉଇକେଟ ହରାଇ ୧୪୯ ରନ୍ କରିଛି। ଫଳରେ ଲକ୍ଷ୍ନୌ ଆଗରେ ବିଜୟ ପାଇ ୧୫୦ ରନ୍ର ଟାଗେର୍ଟ ରଖିଛି ଦିଲ୍ଲୀ।
ଦୁଇ ଓପନର୍ ପୃଥ୍ବୀ ଶ ଏବଂ ଡେଭିଡ୍ ଓ୍ବାର୍ନର ବ୍ୟାଟିଂ କରିବାକୁ ଆସିଥିଲେ। ହେଲେ ଦଳକୁ ପ୍ରାରମ୍ଭିକ ଝଟ୍କା ଲାଗିଥିଲା। ରବି ବିଷ୍ଣୋଇଙ୍କ ବଲରେ ଓ୍ବାର୍ନର ୪ ରନ୍ କରି ଆଉଟ୍ ହୋଇଯାଇଥିଲେ। ପରେ ରୋଭମାନ ପାୱେଲ ବ୍ୟାଟିଂ କରିବାକୁ ଆସି ୩ ରନ୍ରେ ଫେଲ ମାରିଥିଲେ। ପରେ ସରଫରାଜ ଖାନ୍ ଏବଂ ଅଧିନାୟକ ରିଷଭ ପନ୍ତ ଦଳକୁ ସମ୍ଭାଳିଥିଲେ। ରିଷଭ ୩୬ଟି ବଲ୍ରେ ୩୯ ରନ୍(୩ ଚଉକା ଏବଂ ୨ଛକା) କରିଥିବା ବେଳେ ସରଫରାଜ ୨୮ଟି ବଲ୍ରେ ୩୬ରନ୍ (୩ ଚଉକା) କରି ନଟ୍ଆଉଟ ରହିଥିଲେ। ଉଭୟଙ୍କ ଗୁରୁତ୍ୱପୂର୍ଣ୍ଣ ଇନିଂସ୍ ବଳରେ ଦିଲ୍ଲୀ ୧୪୯ ରନ୍ କରିବାରେ ସକ୍ଷମ ହୋଇଛି।