ଭଲ ଜୀବନ ଜିଇଁବା ପାଇଁ ମଣିଷ ଧନସମ୍ପତ୍ତି, ସୁଖ ଏବଂ ଅନ୍ୟାନ୍ୟ ଜିନିଷ ଖୋଜୁଛି। କିନ୍ତୁ ଯଦି ଠିକ କେଉଁଟି ଆଉ ଭୁଲ କେଉଁଟି ତାହା ଜାଣିବାର ଶକ୍ତି ନାହିଁ ତେବେ ମଣିଷ ସବୁ ଥାଇ ବି ସୁଖି ହୋଇପାରିବ ନାହିଁ। ଚାଣକ୍ୟ ନିଜର ନୀତିଶାସ୍ତ୍ରରେ ଏକ ଶ୍ଳୋକ ମାଧ୍ୟମରେ ଏପରି ୬ ପ୍ରକାର ଜିନିଷ ବିଷୟରେ ଉଲ୍ଲେଖ କରିଛନ୍ତି ଯାହା ବହୁତ ପୁଣ୍ୟ ଏବଂ ଭାଗ୍ୟବାନ ଲୋକଙ୍କୁ ମିଳିଥାଏ। ଆସନ୍ତୁ ଜାଣିବା ଭାଗ୍ୟକୁ ଦର୍ଶାଉଥିବା ୬ ଜିନିଷ ବିଷୟରେ…
भोज्यंभोजनशक्तिश्चतिशक्तिर्वराग्ना।।
विभत्रोदानशक्तिश्चनाल्पस्यतसः फलम्।
– ଚାଣକ୍ୟ ଏହି ପଦରେ କହିଛନ୍ତି, ଭଲ ଖାଦ୍ୟ ପାଉଥିବା ବ୍ୟକ୍ତି ଭାଗ୍ୟବାନ, ଏହା ଉନ୍ନତ ଜୀବନର ପରିଚୟ ଅଟେ।
-ଭଲ ଖାଦ୍ୟ ସହିତ ଏହାକୁ ହଜମ କରିବାର ଶକ୍ତି ରହିବା ମଧ୍ୟ ଏକ ଭଲ ଜୀବନ ପାଇଁ ଆବଶ୍ୟକ।
– ଆଚାର୍ଯ୍ୟ କହିଛନ୍ତି, ଜଣେ ବୁଦ୍ଧିମାନ ଏବଂ ଗୁଣବାନ ନାରୀ ପାଇବା ଭାଗ୍ୟର ବିଷୟ। ଯେଉଁ ବ୍ୟକ୍ତିଙ୍କ ଘରେ ଜଣେ ଗୁଣବାନ ନାରୀ ଅଛି, ତାଙ୍କର ଘର ସ୍ବର୍ଗ ପରି ହୋଇଥାଏ। କାରଣ ସେ ପ୍ରତି ମୁହୂର୍ତ୍ତରେ ପରିବାରକୁ ଏକ ଉନ୍ନତ ଉପାୟରେ ବଢ଼ାଇବାକୁ ଚିନ୍ତା କରିଥାଏ।
– ଚାଣକ୍ୟଙ୍କ ଅନୁଯାୟୀ, ମଣିଷ ଭିତରେ କାମନା ଶକ୍ତି ରହିବା ଏକ ଭଲ କଥା, କିନ୍ତୁ ସେହି ସମୟରେ ସେମାନେ କହିଛନ୍ତି ଯେ ଯଦି ବ୍ୟକ୍ତି ଏହାକୁ ନିୟନ୍ତ୍ରଣ କରିବାରେ ସକ୍ଷମ ନୁହଁନ୍ତି, ତେବେ ଏହା ନଷ୍ଟ ହୋଇଯାଏ।
– ସମସ୍ତଙ୍କର ଟଙ୍କା ନାହିଁ ଏବଂ ଯେଉଁମାନଙ୍କ ପାଖରେ ଅଛି ସେମାନେ ଭାଗ୍ୟବାନ। କିନ୍ତୁ ଯଦି ଅର୍ଥର ସଠିକ ବ୍ୟବହାର ଜଣା ନ ଥାଏ, ତେବେ କେତେବେଳେ ଏକ ସୁଖମୟ ଜୀବନ ଦୁଃଖରେ ପରିଣତ ହୁଏ, ତାହା ଜଣାପଡ଼େନାହିଁ। ତେଣୁ ଅର୍ଥର ସଠିକ ବିନିଯୋଗ ବିଷୟରେ ଜ୍ଞାନ ରହିବା ଉଚିତ।
– ଜଣେ ବ୍ୟକ୍ତି ଦାନୀ ସ୍ବଭାବର ହେବା ଭଲ ବୋଲି ବିବେଚନା କରାଯାଏ। ଅନେକ ଲୋକଙ୍କ ପାଖରେ ଟଙ୍କା ଅଛି, କିନ୍ତୁ କେହି କେହି ଏହାକୁ ଯତ୍ନର ସହିତ ରଖନ୍ତି ଏବଂ କେହି କେହି ଏହାକୁ ଠିକ ସମୟରେ କିପରି ବ୍ୟବହାର କରିବେ ଜାଣନ୍ତ। ଅଧିକ ଟଙ୍କା ସଂଗ୍ରହ କରିବା ଅପେକ୍ଷା ଦାନ କରିବା ଭଲ।