ଦୋହା,୮ା୧୨: ଫିଫା ବିଶ୍ୱକପରୁ ସ୍ପେନ୍ ଦଳର ବିଦାୟ ପରେ କୋଚ୍ ପଦରୁ ଇସ୍ତଫା ଦେଇଛନ୍ତି ଲୁଇସ୍ ଏନ୍ରିକ୍। ରାଉଣ୍ଡ ଅଫ୍ ୧୬ତମ ମ୍ୟାଚରେ ମରକ୍କୋ ନିକଟରୁ ଦଳ ପେନାଲ୍ଟି ଶୁଟଆଉଟରେ ୩-୦ରେ ପରାସ୍ତ ହୋଇଥିଲା। ମ୍ୟାଚର ଏକ୍ସଟ୍ରା ଟାଇମ ସୁଦ୍ଧା ଉଭୟ ଦଳ ପରସ୍ପରକୁ ଗୋଲ ଦେବାରେ ଅସମର୍ଥ ରହିବା ପରେ ସ୍ପେନ୍ ପେନାଲ୍ଟି ଶୁଟଆଉଟରେ ପରାସ୍ତ ହୋଇଥିଲା। ଏନରିକ୍ଙ୍କ ସ୍ଥାନରେ ଲୁଇସ୍ ଡେ ଲା ଫୁଏଣ୍ଟେଙ୍କୁ ଦଳର ନୂତନ କୋଚ ଭାବେ ଘୋଷଣା କରାଯାଇଛି। ସ୍ପାନିଶ୍ ଫୁଟବଲ ଫେଡେରେଶନ ପକ୍ଷରୁ ଏନରିକ୍ଙ୍କୁ ତାଙ୍କ ସେବା ପାଇଁ ଧନ୍ୟବାଦ ଅର୍ପଣ କରାଯାଇଛି।