ନୂଆଦିଲ୍ଲୀ,୧୩ ।୯: ଦେଶରେ କରୋନା ଭାଇରସ ପରେ ଏବେ ସରକାରଙ୍କ ଚିନ୍ତା ବଢାଇଛି ଲମ୍ପି ଭାଇରସ । ସାରା ଦେଶରେ ଏହି ଭାଇରସରେ ଏବେ ପର୍ଯ୍ୟନ୍ତ ୬୭ ହଜାରରୁ ଅଧିକ ଗାଈ, ମଇଁଷିଙ୍କ ମୃତ୍ୟୁ ହେଲାଣି । ଏହାଦ୍ୱାରା ଦୁଗ୍ଧ ଉତ୍ପାଦନ ମଧ୍ୟ ହ୍ରାସ ପାଇଛି । ଏହାକୁ ଦୃଷ୍ଟିରେ ରଖି କେନ୍ଦ୍ର ସରକାର ମଙ୍ଗଳବାର ଏକ ଗୁରୁତ୍ୱପୂର୍ଣ୍ଣ ବୈଠକ ଡକାଇଛନ୍ତି । ପଶୁପାଳନ ଓ ଡାଏରି ବିଭାଗର ସଚିବ ଜତିନ୍ଦ୍ର ନାଥ କହିଛନ୍ତି ବୈଠକରେ ଏହି ଭାଇରସଠାରୁ ଦୂରେଇ ରହିବାକୁ ଟିକାକରଣ ସହ ଅନ୍ୟ ଯୋଜନା ବିଷୟରେ ଆଲୋଚନା ହେବ ।
ଜତିନ୍ଦ୍ର ନାଇ ସ୍ୱୌନ କହିଛନ୍ତି, ଏବେ ଏହି ରୋଗର ନିଦାନ ପାଇଁ ‘ଗୋଟ ଫକ୍ସ’ ଟିକାର ବ୍ୟବହାର କରାଯାଉଛି । ଏହା ୧୦୦ ପ୍ରତିଶତ ପ୍ରଭାବଶାଳୀ ରହୁଥିବା କୁହାଯାଉଛି । ହେଲେ ଏହି ଟିକାର ସଂଖ୍ୟା ସିମିତ ହୋଇଥିବାରୁ ଏହା ସମସ୍ୟା ହୋଇଛି । ଏହାକୁ ପ୍ରସ୍ତୁତ କରୁଥିବା କମ୍ପାନୀକୁ ଅଧିକରୁ ଅଧିକ ଟିକା ପ୍ରସ୍ତୁତ କରିବାକୁ କୁହାଯାଇଛି ।
