ବମ୍ବେ: କବିର ସିଂହ ଅଭିନେତ୍ରୀ କିଆରା ଆଡଭାନୀ ୨୯ ବର୍ଷର ହୋଇଛନ୍ତି। ଜୁଲାଇ ୩୧ରେ ସେ ନିଜର ଜନ୍ମଦିନ ପାଳନ କରୁଛନ୍ତି। ଏହି ଅବସରରେ ତାଙ୍କୁ ସାଥୀ କଳାକାର ସହ ପ୍ରଶଂସକଙ୍କ ଶୁଭେଚ୍ଛାର ସୁଅ ଛୁଟୁଛି।
ତେବେ ନିଜର ସରଳ ବ୍ୟବହାର ସାଙ୍ଗକୁ ଅଭିନୟ ଚାତୁରୀକୁ ନେଇ ପ୍ରଶଂସକଙ୍କ ହୃଦୟରେ ରାଜ କରୁଛନ୍ତି କିଆରା। କିଛି ବର୍ଷ ମଧ୍ୟରେ ସେ ଅନ୍ୟତମ ପ୍ରିୟ ଅଭିନେତ୍ରୀ ପାଲଟିଛନ୍ତି। ଗୋଟିଏ ପରେ ଗୋଟିଏ ଫିଲ୍ମର ଅଫର ମିଳୁଛି ତାଙ୍କୁ। ଫିଲ୍ମ ପିଛା ମୋଟା ଅଙ୍କର ପାଉଣା ମଧ୍ୟ ନେଉଛନ୍ତି ସେ। ଫଳରେ ଧିରେ ଧିରେ ବଦଳୁଛି ତାଙ୍କର ଜୀବନଶୈଳୀ।
୧୯୯୨ରେ ମୁମ୍ବାଇରେ କିଆରାଙ୍କ ଜନ୍ମ। ପାଠପଢ଼ା ପରେ ସେ ମଡେଲିଂ କରିଥିଲେ। ପରେ ସେ ‘ଏମ୍ଏସ୍ ଧୋନୀ: ଦ ଅନ୍ଟୋଲ୍ଡ ଷ୍ଟୋରୀ’ ଏବଂ ମସିନ୍’ ଚଳଚ୍ଚିତ୍ରରେ ନିଜର ଡେବ୍ୟୁ କରିଥିଲେ। ଆଗାମୀ ଦିନରେ ତାଙ୍କ ଫିଲ୍ମ ‘ଶେର୍ଶାହ’ ରିଲିଜ ହେବାକୁ ଯାଉଛି।
କିଆରାଙ୍କ ମୋଟ ସମ୍ପତ୍ତିର ମୂଲ୍ୟ ୨୩ କୋଟି ହେବ ବୋଲି ଆକଳନ କରାଯାଇଛି। ପ୍ରତିବର୍ଷ ଏହା ୨୫% ବଢ଼ୁଛି। ପ୍ରମୋଶନ ଏବଂ ବିଜ୍ଞାପନରୁ ମଧ୍ୟ ସେ ଭଲ ଆୟ କରୁଛନ୍ତି। ସୋସିଆଲ ମିଡିଆରେ ତାଙ୍କର ଲକ୍ଷ ଲକ୍ଷ ଫଲୋଅର୍ ଅଛନ୍ତି। ଏଠାରେ ମଧ୍ୟ ବ୍ରାଣ୍ଡ ପ୍ରମୋଶନ ପାଇଁ ତାଙ୍କୁ ଲକ୍ଷାଧିକ ଟଙ୍କା ମିଳୁଛି। ମାସିକ ୩୦ ଲକ୍ଷ ଟଙ୍କା ସେ ରୋଜଗାର କରୁଥିବା ବେଳେ ବର୍ଷକୁ ୨ରୁ ୩ କୋଟି ଟଙ୍କା କମାଇଥାନ୍ତି।
ମୁମ୍ବାଇରେ କିଆରି ରହୁଥିବା ଆପାର୍ଟମେଣ୍ଟ ୫୧ ମହଲାରେ ଥିବା ବେଳେ ଏହାର ମୂଲ୍ୟ ୧୪ରୁ ୧୫ କୋଟି ହେବ। ଏହାଛଡ଼ା ତାଙ୍କର ଏକାଧିକ ଦାମୀ ଗାଡ଼ି ରହିଛି। ହେଲେ ତାଙ୍କୁ ପ୍ରାୟତଃ ମର୍ସଡିଜ୍ରେ ଦେଖିବାକୁ ମିଳିଥାଏ।