ତରଭା,୧୭ା୧୨(ଡି.ଏନ.ଏ.) ସୁବର୍ଣ୍ଣପୁର ଜିଲା ତରଭା ନିକଟସ୍ଥ ବଇରାସର ପୂର୍ତ୍ତ ଡାକବଙ୍ଗଳା ପରିସରରେ ଅନୁଷ୍ଠିତ ହୋଇଥିବା ମା ବଇରାସରାଣୀ କ୍ରିକେଟ ଟୁର୍ନାମେଣ୍ଟ ବୁଧବାର ଉଦ୍ଯାପିତ ହୋଇଯାଇଛି। ଗତ ୧୪ ତାରିଖ ଠାରୁ ଆରମ୍ଭ ହୋଇଥିବା ଏହି ଟୁର୍ନାମେଣ୍ଟରେ ୧୬ଟି ଦଳ ଅଂଶଗ୍ରହଣ କରିଥିଲେ ା ୬ ଓଭର ବିଶିଷ୍ଟ ଏହି ସରକଲ ମ୍ୟାଚର ଫାଇନାଲ ବଇରାସର ଓ ବେହେରାପାଲି ମଧ୍ୟରେ ଅନୁଷ୍ଠିତ ହୋଇଥିଲା ା ପ୍ରତି ଦଳରେ ୭ ଜଣ ଖେଳାଳି ଖେଳିବାର ନିୟମ ରଖାଯାଇଥିଲା ା ବଇରାସର ଟସ୍ ଜିତି ପ୍ରଥମେ ବ୍ୟାଟିଂ କରିଥିଲା ା ନିର୍ଦ୍ଧାରିତ ୬ ଓଭରରେ ବଇରାସର ଦଳ ୩ ଉଇକେଟ ବିନିମୟରେ ୪୬ ରନ ସଂଗ୍ରହ କରିଥିଲା ା
ଏହାର ଜବାବରେ ବେହେରାପାଲି ଦଳ ୪ ଓଭର ୨ ବଲରେ ୨ ଉଇକେଟ ବିନିମୟରେ ୪୭ ରନ୍ ସଂଗ୍ରହ କରି ଚାମ୍ପିୟନ ହୋଇଥିଲା ା ଏଥିରେ ମ୍ୟାନ ଅଫ୍ ଦି ମ୍ୟାଚ ଓ ବେଷ୍ଟ ବ୍ୟାଟ୍ସ ମ୍ୟାନ ବେହେରାପାଲି ଦଳର କ୍ୟାପଟେନ ଅରୁଣ ଦୋରା,ବେଷ୍ଟ ବୋଲର ବଇରାସର ଦଳର ଟିହିଲୁ ପୋଢ,ମ୍ୟାନ ଅଫ୍ ଦି ଟୁର୍ନାମେଣ୍ଟ ସୁଧୀର ଭୋଇଙ୍କୁ ଦିଆଯାଇଥିଲା ା ଏଥିରେ ମୁଖ୍ୟଅତିଥି ଭାବରେ ସୁଶିଳ କୁମାର ଅଗ୍ରୱାଲା ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବରେ ଶ୍ରୀପତି ବାଘ, ରାଧେଶ୍ୟାମ ସାହୁ, ରାଜେନ୍ଦ୍ର ବିଜୟ ସାହୁ, ଦାମୋଦର ନାଏକ, ରାଜକୁମାର ମାହାଣା ପ୍ରମୁଖ ମଞ୍ଚାସୀନ ଥିଲେ ା ଅତିଥିମାନଙ୍କ ଦ୍ୱାରା ଚମ୍ପିଆନ ବେହେରାପାଲି ଦଳକୁ ଟ୍ରଫି ସହ ୬୦୦୦ ଟଙ୍କା ଓ ରନର୍ସ ଅଫ ଦଳକୁ ଟ୍ରଫି ସହ ୪୦୦୦ଟଙ୍କା ପ୍ରଦାନ କରାଯାଇଥିଲା ା ପ୍ରବୀଣ ଦଳବେହେରା ଓ ସିଦ୍ଧାର୍ଥ ମାହାଣା ଖେଳ ପରିଚାଳନା କରିଥିବା ବେଳେ ସୁଶିଳ ସାହୁ ଧାରା ବିବରଣୀ ପ୍ରଦାନ କରିଥିଲେ ା ସୁଭମ ଅଗ୍ରୱାଲ, ପିୟୁଷ ଅଗ୍ରୱାଲ, ଆକାଶ ଷାଣ୍ଢ ପ୍ରମୁଖ ସହଯୋଗ କରିଥିଲେ ା