ଗଞ୍ଜାମ,୨୬।୩(ବିଦ୍ୟାଧର ସାହୁ ): ଗଞ୍ଜାମ ସହର ସ୍ଥିତ ଦାମୋଦରପୁର ଗ୍ରାମରେ ପ୍ରଥମ ମା ଦଣ୍ଡକାଳୀଙ୍କ ଉତ୍ସବ ବୁଧବାର ଅନୁଷ୍ଠିତ ହୋଇଯାଇଛି। ଛତ୍ରପୁର କମାପାଲି ଦଣ୍ଡ ସକାଳେ ମାନସିକ ଧାରୀଙ୍କ ଦାଣ୍ଡ ପିଣ୍ଡାରେ ପହଞ୍ଚିବା ପରେ ମା’ଙ୍କ ଯଥା ରୀତିନୀତି ଅନୁଯାଇ ପୂଜାର୍ଚ୍ଚନା କରାଯାଇଥିଲା । ପୂର୍ବାହ୍ନରେ ଧୂଳି ଦଣ୍ଡ ଅନୁଷ୍ଠିତ ହୋଇଥିଲା l ଧୂଳି ଦଣ୍ଡ ଶେଷ ହେବା ପରେ ସାରେ ଗ୍ରାମ ସ୍ଥିତ ଏକ ପୋଖରୀରେ ପାଣି ଦଣ୍ଡ ପରେ କଲେଜ ପଡିଆରେ ମା’ଙ୍କ ଆଳତି ହୋଇଥିଲା। ମା’ଙ୍କ ଆଳତି ଦର୍ଶନ ପାଇଁ ଆଖପାଖ ଅଞ୍ଚଳର ବହୁ ଭକ୍ତଙ୍କ ଭିଡ଼ ଜମିଥିବା ଦେଖିବାକୁ ମିଳିଥିଲା l ବିଳମ୍ବିତ ରାତ୍ରରେ ମା’ଙ୍କ ପ୍ରଭା ପ୍ରସନ୍ନ ପରେ ସଂସ୍କୃତିକ କାର୍ଯ୍ୟକ୍ରମ ସାମାଜିକ ନାଟକ ହାଃ କୃଷ୍ଣ ବୋଲି ଯାଉ ଜୀବ ନାଟକ ମଞ୍ଚସ୍ଥ ହୋଇଥିଲା । ଅଧ୍ୟାପକ ଡ଼ ଗୌରୀ ଶଙ୍କର ଶତପଥୀ ନାଟକ ନିର୍ଦ୍ଦେଶନା ଦେଇଛନ୍ତି। କଟକ ଅଞ୍ଚଳର ନାରୀ ଅଭିନେତ୍ରୀ ତଥା ଚୁଲବୁଲି ନାୟିକା ଉଷାରାଣୀ ନାୟକଙ୍କ ସୁନ୍ଦର ଆଙ୍କରିଂ ଦର୍ଶକଙ୍କ ମନ ମୁଗ୍ଧ କରିଥିଲା। ଗଞ୍ଜାମ ସହରରେ ଚଳିତ ବର୍ଷ ପ୍ରଥମ ମା’ କାଳୀଙ୍କ ଦଣ୍ଡ ଉତ୍ସବ ହେଉଥିବା ହେତୁ ପ୍ରବଳ ଲୋକଙ୍କ ଭିଡ଼ ଜମିଥିଲା ।
