ଘଟଗାଁ,୭ା୧୧(ଡି.ଏନ୍.ଏ.): ଆସନ୍ତା ୮ ତାରିଖ ମଙ୍ଗଳବାର ଘଟଗାଁସ୍ଥିତ ମା’ ତାରିଣୀଙ୍କ ମନ୍ଦିର ବନ୍ଦ ରହିବ। ଏହିଦିନ ଚନ୍ଦ୍ର ଗ୍ରହଣ ଯୋଗୁ ମା’ଙ୍କ ନୀତିକାନ୍ତି ବନ୍ଦ ରହିବା ନେଇ ମନ୍ଦିର ପକ୍ଷରୁ ସୂଚନା ଦିଆଯାଇଛି। ସୋମବାର ରାତି ୩ରୁ ୫ମଧ୍ୟରେ ମା’ଙ୍କ ସମସ୍ତ ପୂଜାବିଧି ସମ୍ପନ୍ନ କରାଯିବା ପରେ ମନ୍ଦିର ବନ୍ଦ ରହିବ। ୮ ତାରିଖ ସନ୍ଧ୍ୟା ସୁଦ୍ଧା ୬.୨୧ ପର୍ଯ୍ୟନ୍ତ ପାକତ୍ୟାଗ, ଦେବନୀତି ଓ ଅନ୍ନଭୋଜନ ନିଷେଧ କରାଯାଇଛି।ସନ୍ଧ୍ୟା ୬.୨୧ ପରେ ଯଥାରୀତି ଦେବନୀତି ଓ ପୂଜାକାର୍ଯ୍ୟ ସମ୍ପାଦନ ହେବ। ଏନେଇ ମନ୍ଦିର କମିଟି ପକ୍ଷରୁ ପ୍ରକାଶ।