କେନ୍ଦୁଝର,୨୮ା୪(ନରେଶ ଚନ୍ଦ୍ର ପଟ୍ଟନାୟକ): ଜିଲା ଓକିଲ ସଂଘ କେନ୍ଦୁଝରର ସଭାଗୃହରେ ସଂଘର ସଭାପତି ଆଲୋକ ମହାନ୍ତଙ୍କ ଅଧ୍ୟକ୍ଷତାରେ ଉତ୍କଳ ଗୌରବ ମଧୁସୁଦନ ଦାସଙ୍କ ଜୟନ୍ତୀ ତଥା ଆଇନଜୀବୀ ଦିବସ ପାଳନ କରାଯିବା ସହ ସଂଘର ବରିଷ୍ଠ ସଦସ୍ୟ ନାରାୟଣ ପ୍ରଧାନ ଓ ତୁଷାରକାନ୍ତ ସାମନ୍ତଙ୍କୁ ସଂଘ ତରଫରୁ ସମ୍ବର୍ଦ୍ଧିତ କରାଯାଇଛି। ସଂଘର ସଦସ୍ୟ ବୃନ୍ଦ ମଧୁବାବୁଙ୍କ ସ୍ମୃତିଚାରଣ କରିବା ସହ ତାଙ୍କ ଜୀବନୀ ଉପରେ ଆଲୋକପାତ କରିଥିଲେ।
ସଂଘର ବରିଷ୍ଠ ସଦସ୍ୟ ଅଶ୍ୱିନୀ କୁମାର ପଟ୍ଟନାୟକ ଓ ଜ୍ୟୋତିର୍ମୟୀ ଷଡ଼ଙ୍ଗୀ ସମ୍ବର୍ଦ୍ଧିତ ସଦସ୍ୟଙ୍କୁ ମାନପତ୍ର, ପୁଷ୍ପଗୁଛ ଓ ଉତ୍ତରୀୟ ପ୍ରଦାନ କରିଥିଲେ। କାର୍ଯ୍ୟକ୍ରମ ଆରମ୍ଭରେ ସଂପାଦକ ସଞ୍ଜିତ୍ ଦାସ ସ୍ବାଗତ ଭାଷଣ ପ୍ରଦାନ କରିଥିବା ବେଳେ ଉପସଭାପତି ବିନିତା ଦାଶ ଧନ୍ୟବାଦ ଭାଷଣ ଦେଇଥିଲେ। ସଂଘର ସମସ୍ତ ନିର୍ବାଚିତ ପ୍ରତିନିଧି ଯଥା ଯୁଗ୍ମ ସଂପାଦକ କରୁଣାକର ବ୍ରହ୍ମ ଓ ତାରିଣୀ ପ୍ରସାଦ ପୋଥାଳ ତଥା ସଂଘର ମେମ୍ବର ପୂର୍ଣ୍ଣଚନ୍ଦ୍ର ରାଜ, ରାଜେନ୍ଦ୍ର କୁମାର ସାହୁ, ଯୁଧିଷ୍ଠିର ନାୟକ, ବାରୁଣୀ ନାୟକ ଓ ହଳଧର ମହାନ୍ତ ସଭା ପରିଚାଳନାରେ ସାହାଯ୍ୟ କରିଥିଲେ।