ମୁମ୍ବାଇ: ମାୟାନଗରୀର ଧକ୍ଧକ୍ ଗର୍ଲ ମାଧୁରୀ ଦିକ୍ଷିତ ଡ୍ୟାନ୍ସ ଓ ଏକ୍ସପ୍ରେଶନକୁ ନେଇ ନିଜ ପାଇଁ ବଲିଉଡ୍ରେ ତିଆରି କରିଛନ୍ତି ଏକ ସ୍ବତନ୍ତ୍ର ପରିଚୟ। ‘ତେଜାବ’ ଫିଲ୍ମରୁ ନିଜର ଏକ ଜବରଦସ୍ତ ପରିଚୟ ସୃଷ୍ଟି କରିଥିବା ମାଧୁରୀ ଏବେ ଏଣ୍ଟଟେନମେଣ୍ଟ ଦୁନିଆ ସହ ଟେଲିଭିଜନରେ ବି ନଜର ଆସୁଛନ୍ତି। ଏହି ଅଭିନେତ୍ରୀଙ୍କର ଫଟୋ ଓ ଭିଡିଓ ସମୟ ସମୟରେ ସୋସିଆଲ ମିଡିଆରେ ଭାଇରାଲ ହୋଇଥାଏ। ଏବେ ତାଙ୍କର ଏକ ପୁରୁଣା ଡ୍ୟାନ୍ସ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ନିଜର ପୁରୁଣା ଗୀତରେ ହିଁ ସେ ଡ୍ୟାନ୍ସ କରୁଥିବା ଦେଖାଯାଇଛି। ତାଙ୍କ ଅଭିନୀତ ଫିଲ୍ମ ‘ଲଜ୍ଜା’ର ଗୀତ ‘ବଡି ମୁସ୍କିଲ’ରେ ସେ ଏମିତି ଷ୍ଟେପ୍ସ ଦେଇଛନ୍ତି ଯାହା ଦର୍ଶକଙ୍କୁ ଦିଓ୍ବାନା କରିଛି। ଏହାସହ ଏଥିରେ ମାଧୁରୀଙ୍କ ଏକ୍ସପ୍ରେଶନ ବି ଦେଖିବା ଭଳି ହୋଇଛି। ଏହାକୁ ପ୍ରାୟ ୮୦ ଲକ୍ଷ ଥର ଦେଖାଯାଇ ସାରିଲାଣି। ମାଧୁରୀ ଅନ୍ ଲାଇନ୍ କ୍ଲାସରେ ଏବେ ଡ୍ୟାନ୍ସ ଶିଖାଉଛନ୍ତି। ସେ ଖୁବ୍ଶୀଘ୍ର ଏକ ରିୟଲିଟି ଶୋ’ରେ ନଜର ଆସିବେ ବୋଲି ଜଣାପଡିଛି।
