ମୁମ୍ବାଇ: ବଲିଉଡ୍ ଧକ୍ ଧକ୍ ଗର୍ଲ ମାଧୁରୀ ଦୀକ୍ଷିତ ସୋସିଆଲ ମିଡିଆରେ ସବୁବେଳେ ଆକ୍ଟିଭ୍ ରହିଥାନ୍ତି। ସେ କେବଳ ତାଙ୍କ ଫିଲ୍ମର ବାର୍ଷିକିରେ ପୋଷ୍ଟ କରନ୍ତି ତାହା ନୁହେଁ ପ୍ରଶଂସକଙ୍କ ସହ ବେଶ୍ ଆକର୍ଷଣୀୟ କାର୍ଯ୍ୟକଳାପ ମଧ୍ୟ ସହ ଶେୟାର କରିଥାନ୍ତି। କେତେକେବେଳ ମଜାଳିଆ ଫେଟୋ, ଭିଡ଼ିଓ ତ ଆଉ କେତେବେଳେ ଡ୍ୟାନ୍ସର ଭିଡ଼ିଓ। କରୋନା ଯୋଗୁ ଲକ୍ଡାଉନ ଥିବାରୁ ଏବେ ସବୁ ସେଲିବ୍ରିଟି ଘରେ ରହି ନିଜକୁ ବ୍ୟସ୍ତ କରାଇବାରେ ଲାଗିପଡ଼ିଛନ୍ତି। କିଏ କୁକିଂ ତ ଆଉ କିଏ ବାସନ ଧୋଉଛନ୍ତି ତ କିଏ ଅନ୍ୟ କାର୍ଯ୍ୟକଳାପରେ ବ୍ୟସ୍ତ ରହୁଛନ୍ତି। ଆଉ ଏହି ସବୁକୁ ପୋଷ୍ଟ କରି ପ୍ରଶଂସକଙ୍କ ହୃଦୟ ଜିତୁଛନ୍ତି। ନିକଟରେ ମାଧୁରୀ ଏକ ଥ୍ରୋବ୍ୟାକ୍ ଫଟୋ ଶେୟାର କରିଛନ୍ତି। ଯେଉଁଥିରେ ସେ ଓ ତାଙ୍କ ସ୍ବାମୀଙ୍କ ସମେତ କେତେକ ଶେଫ୍ଙ୍କ ସହ ନଜର ଆସୁଛନ୍ତି। ସେଥିରେ ସେ ରୋଷେଇ ଶିଖୁଥିବା ଦେଖିବାକୁ ମିଳିଛି। ଏହି ଫଟୋଟି ଗତବର୍ଷ ଶ୍ରୀଲଙ୍କାର ହୋଇଥିବା ବେଳେ ଏହା ଏବେ ଭାଇରାଲ ହେବାରେ ଲାଗିଛି। ମାଧୁରୀ ଏହି ପୋଷ୍ଟକୁ ଶେୟାର କରିବା ସହ କ୍ୟାପଶନ୍ରେ ଲେଖିଛନ୍ତି, ଶ୍ରୀଲଙ୍କାରେ ନେଇଥିବା କୁକିଂ କ୍ଲାସ୍ ଏବେ ଲକ୍ଡାଉନରେ କାମ ଆସୁଛି। ତାଙ୍କର ଏହି ଫଟୋକୁ ପ୍ରଶଂସକ ବେଶ୍ ପସନ୍ଦ କରିବା ସହ ନିଜ ନିଜ ପସନ୍ଦର ବ୍ୟଞ୍ଜନକୁ କମେଣ୍ଟରେ ଲେଖିଥିବା ଦେଖିବାକୁ ମିଳିଛି।