ମୁମ୍ବାଇ,୧୨।୩ : ବଲିଉଡ ଅଭିନେତ୍ରୀ ମାଧୁରୀ ଦୀକ୍ଷିତଙ୍କ ମାଙ୍କର ପରଲୋକ ଘଟିଛି। ରବିବାର ପୂର୍ବାହ୍ନ ୮ଟା ୪୦ରେ ତାଙ୍କ ମାତା ସ୍ନେହଲତା ଦେଶମୁଖଙ୍କ ଦେହାନ୍ତ ହୋଇଛି। ମୃତ୍ୟୁ ବେଳକୁ ତାଙ୍କୁ ୯୧ ବର୍ଷ ବୟସ ହୋଇଥିଲା। ମାଧୁରୀ ଏବଂ ତାଙ୍କ ସ୍ବାମୀ ଶ୍ରୀରାମ ନେନେ ଏନେଇ ସୂଚନା ପ୍ରଦାନ କରିଛନ୍ତି।
ତାଙ୍କର ଶେଷ ରୀତିନୀତି ମଙ୍ଗଳବାର ମୁମ୍ବାଇର ୱର୍ଲିର ବୈକୁଣ୍ଠ ଧାମରେ ଅପରାହ୍ନ ୩ଟାରେ ଅନୁଷ୍ଠିତ ହେବ। ମାଧୁରୀ ଦୀକ୍ଷିତ ତାଙ୍କ ମାଙ୍କ ସହ ଅତି ନିକଟତର ଥିଲେ। କ୍ୟାରିୟର ଆରମ୍ଭରେ, ମାଧୁରୀ ପ୍ରତ୍ୟେକ ମୁହୂର୍ତ୍ତରେ ତାଙ୍କ ମା ସହିତ ରହୁଥିଲେ। ସେ ସେହି ମୁହୂର୍ତ୍ତଗୁଡ଼ିକୁ ମନେ ପକାଇ ଏବେ ଭାବୁକ ହୋଇଯାଇଛନ୍ତି।