ଭୁବନେଶ୍ୱର,୨୬ା୬(ଅନୁରାଧା ମହାରଣା): ବିଦ୍ୟାଳୟ ଓ ଗଣଶିକ୍ଷା ବିଭାଗ ଦ୍ୱାରା ପରିଚାଳିତ ଓଡ଼ିଶା ରାଜ୍ୟ ମଦ୍ରାସା ଶିକ୍ଷା ପରିଷଦର ବିଭିନ୍ନ ପାଠ୍ୟକ୍ରମ ପରୀକ୍ଷାଫଳ ଆସନ୍ତା ୨୭ ତାରିଖରେ ପ୍ରକାଶ ପାଇବ। ମାହିର(ଯୁକ୍ତ ୨), ଆଲିମ୍ (ଯୁକ୍ତ ୩) ଏବଂ ଫାଜିଲ(ପିଜି) ପାଠ୍ୟକ୍ରମର ପିଲାମାନେ ବିଭାଗୀୟ ଓ୍ବେବ୍ସାଇଟରେ ଲଗଇନ୍ କରି ନିଜ ଫଳାଫଳ ପାଇପାରିବେ। ଚଳିତବର୍ଷ ୩୩୧ଜଣ ମାହିର ପରୀକ୍ଷା ଦେଇଥିବାବେଳେ ୧୨୬ଜଣ ଆଲିମ୍ ପ୍ରି ଏବଂ ୧୨୩ଜଣ ଆଲିମ୍ ଫାଇନାଲ ଫରୀକ୍ଷା ଦେଇଥିଲେ। ସେହିପରି ଫାଜିଲ୍ ଇ ଉର୍ଦ୍ଦୁ ୭୨ଜଣ ଓ ଫାଜିଲ ଇ ହଦିଥ୍ ପରୀକ୍ଷା ୨୭ଜଣ ଦେଇଥିଲେ।