ରୁଷୋତ୍ତମପୁର,୧୪।୨(ସିମାଞ୍ଚଳମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ଥାନା ଅନ୍ତର୍ଗତ ପ୍ରତାପପୁର ଗ୍ରାମ ଋଷିକୂଲ୍ୟା ନଦୀ ବାଲିଘାଟରୁ ବେଆଇନ ଭାବରେ ବାଲି ଚୋରାଚାଲାଣ ହେବାରେ ଲାଗିଛି । ଏ ନେଇ ଖବରପାଇ ପୁରୁଷୋତ୍ତମପୁର ଆଇଆଇସି ରାଜେଶକୁମାର ନାୟକଙ୍କ ତତ୍ତ୍ୱାବଧାନରେ ଏସ୍ଆଇ ସୁଶାନ୍ତ କୁମାର ମିଶ୍ର ଓ କର୍ମଚାରୀମାନେ ଗୁରବାର ବିଳମ୍ବିତ ରାତିରେ ନଦୀଘାଟରେ ଚଢାଉକରିଥିଲେ। ଚଢ଼ାଉରେ ଜଣଙ୍କୁ ଗିରଫ କରିବା ସହ ଏକ ଟ୍ରାକ୍ଟର(ଓଡି୦୭ଏଡି୫୯୦୫ )କୁ ଜବତ କରାଯାଇଛି। ଗିରଫ ଯୁବକ ହେଲେ ବେଢ଼ପୂର୍ଣ୍ଣଚନ୍ଦ୍ରପୁର ଗ୍ରାମର ଜଗନ୍ନାଥ ସ୍ବାଇଁ (୪୦)। ଏ ନେଇ କେସ ନଂ ୧୦୬/୨୫ରେ ଏକ ମାମଲା ରୁଜୁ କରାଯାଇଥିବା ଆଇଆଇସି ରାଜେଶ କୁମାର ନାୟକ କହିଛନ୍ତି।
ମାତ୍ର ଏହି ଘଟଣାକୁ ନେଇ ଲୋକେ ପୋଲିସ ବିଭାଗ ଉପରକୁ ଅଙ୍ଗୁଳି ନିର୍ଦ୍ଦେଶ କରିଛନ୍ତି। ଦୀର୍ଘ ଦିନହେଲା ପ୍ରତାପପୁର ଗ୍ରାମ ଋଷିକୂଲ୍ୟା ନଦୀର ବିଭିନ୍ନ ସ୍ଥାନରେ ବାଲିମାଫିଆମାନେ କୂଳଘାଇକୁ ହାଣିବା ସହ ବେଆଇନ ଭାବରେ ବାଲି ଚୋରାଚାଲାଣ କରିବାରେ ଲାଗିଛନ୍ତି । ଏହି ବାଲିମାଫିଆ ଓ ନିଶା କାରବାର ମାଫିଆଙ୍କ ପଛରେ କିଛି ଅସାଧୁ ପୋଲିସ କର୍ମଚାରୀ ରହିଥିବା ଲୋକେ ଅଭିଯୋଗ କରିଛନ୍ତି। ଏପରିକି ଏହି କର୍ମଚାରୀମାନେ ଏଠାରେ ଦୀର୍ଘବଷ ର୍ହେଲା ରହି ଏପରିକାର୍ଯ୍ୟରେ ଲିପ୍ତଥିବା ନେଇ ଲୋକେ କିଛି ପୋଲିସ କର୍ମଚାରୀଙ୍କ ନାମରେ ବହୁବାର ପୂର୍ବତନ ଗଞ୍ଜାମ ଏସ୍ପି ଓ ବରିଷ୍ଟ ପୋଲିସ ଅଧିକାରୀ ଓ ପ୍ରଶାସନିକ ଅଧିକାରୀଙ୍କୁ ଲିଖିତ ଅଭିଯୋଗ କରି ତୁରନ୍ତ ଏହି କର୍ମଚାରୀମାନଙ୍କୁ ଏଠାରୁ ବଦଳିକରିବା ଲାଗି ଦାବି କରିଥିଲେ। ତେବେ ଏଯାବତ୍ ସେମାନଙ୍କ ଉପରେ କୌଣସି ପଦକ୍ଷପ ନିଆଯାଇନାହିଁ। ଏହାକୁନେଇ ପୋଲିସ ବିଭାଗ ପ୍ରତି ଲୋକଙ୍କ ମଧ୍ୟରେ ସନ୍ଦେହ ସୃଷ୍ଟିକରିଛି। ଏହାକୁ ବର୍ତ୍ତମାନର ଏସ୍ପି ଗୁରୁତ୍ୱ ସହ ନେଇ ଏଭଳି ପୋଲିସ କର୍ମଚାରୀଙ୍କୁ ତୁରନ୍ତ ହଟାଇବାକୁ ଦାବିକରିଛନ୍ତି ।
