ଲଣ୍ଡନ, ୧୩।୪: ନିର୍ଦ୍ଦେଶକ କ୍ଲୋ ଜାଓଙ୍କ ଫିଲ୍କ ‘ନୋମାଡଲାଣ୍ଡ’ ସର୍ବଶ୍ରେଷ୍ଟ ଫିଲ୍ମ ସମେତ ୪ ପୁରସ୍କାର ଜିତି ବିଏଏଫ୍ଟିଏ ବା ବାଫ୍ଟା ଫିଲ୍ମ ପୁରସ୍କାର-୨୦୨୧ରେ ଶୀର୍ଷ ସ୍ଥାନ ହାସଲ କରିଛି। ଫିଲ୍ମର ମୁଖ୍ୟ କଳାକାର ଫ୍ରାନ୍ସେସ୍ ମାକ୍ଡରମାଣ୍ଡ ସର୍ବଶ୍ରେଷ୍ଠ ଅଭିନେତ୍ରୀ ପୁରସ୍କାର ହାସଲ କରିଥିବାବେଳେ ଶ୍ରେଷ୍ଠ ନିର୍ଦ୍ଦେଶକ ଆଓ୍ବାର୍ଡ ପାଇଛନ୍ତି କ୍ଲୋ ଜାଓ। ଏଥିସହ ଏହି ଚଳଚ୍ଚିତ୍ର ସିନେମାଟୋଗ୍ରାଫି ବର୍ଗରେ ମଧ୍ୟ ବିଜେତା ହୋଇଛି। ଚଳିତ ମାସ ଶେଷ ଆଡ଼କୁ ଓସ୍କାର ପୁରସ୍କାର ଘୋଷଣା କରାଯିବାକୁ ଥିବାବେଳେ ‘ନୋମାଡଲାଣ୍ଡ’ ଏହି ବିଜେତା ଦୌଡ଼ରେ ଆଗୁଆ ରହିଛି। ଏମରାଲ୍ଡ ଫେନେଲଙ୍କ #ମି ଟୁ ଡ୍ରାମା ‘ପ୍ରମିଜିଙ୍ଗ୍ ୟଙ୍ଗ ଓମ୍ୟାନ’କୁ ସର୍ବଶ୍ରେଷ୍ଠ ବ୍ରିଟିଶ ଫିଲ୍ମ ଘୋଷଣା କରାଯାଇଛି। ହିଟ୍ ନେଟ୍ଫ୍ଲିକ୍ସ ଡ୍ରାମା ‘ଦି କ୍ରାଉନ୍’ କାମିଲା ପାକର୍ମର ବାଉଲ୍ସ ଭୂମିକାରେ ଥିବା ଫେନେଲ ସ୍କ୍ରିନ ପ୍ଲେ ବର୍ଗରେ ବିଜେତା ହୋଇଛନ୍ତି। କୌଣସି ବ୍ରିଟିଶ ଲେଖକ, ନିର୍ଦ୍ଦେଶକ, ପ୍ରଯୋଜକଙ୍କ ପ୍ରଥମ ଶ୍ରେଷ୍ଠ ଫିଲ୍ମ ପୁରସ୍କାର ରେମି ଓ୍ବିକ୍ସଙ୍କ ‘ହିଜ୍ ହାଉସ୍’କୁ ଯାଇଛି। ସେହିପରି ଥୋମାନ ଓ୍ବିଣ୍ଟବର୍ଗଙ୍କ ‘ଆନାଦର ରାଉଣ୍ଡ’ ଇଂଲିଶ ଭାଷାରେ ନିର୍ମିତ ହୋଇ ନ ଥିବା ସର୍ବଶ୍ରେଷ୍ଠ ଫିଲ୍ମ ବର୍ଗରେ ପୁରସ୍କୃତ ହୋଇଛି। ଡକ୍ୟୁମେଣ୍ଟାରୀ ଫିଲ୍ମ ବର୍ଗରେ ‘ମାଇ ଅକ୍ଟୋପସ୍ ଟିଚର’ ବାଫଟା ପୁରସ୍କାର ହାତେଇଛି। ଆନ୍ଥୋନି ହପ୍କିନ୍ସଙ୍କ ‘ଦି ଫାଦର’ ସର୍ବଶ୍ରେଷ୍ଠ ଅଭିନେତା ବର୍ଗରେ ବିଜେତା ଘୋଷିତ ହୋଇଛି।
