ପଣଜୀ,୧୧।୨ : ଗୋଆର ବିଭିନ୍ନ ସଂଗଠନ ପଡୋଶୀ କର୍ନାଟକ ଦ୍ୱାରା ମହାଦୟୀ ନଦୀ ଜଳ ବିବାଦ ନେଇ କର୍ନାଟକ ବିରୋଧରେ ବିକ୍ଷୋଭ ପ୍ରଦର୍ଶନ କରିଛନ୍ତି। ମହାଦୟୀ ବଚାଓ ଗୋଆ ମୋର୍ଚ୍ଚାରେ ସାମିଲ ହୋଇଥିବା ଏନଜିଓମାନେ ରବିବାର ସା ୭ଟା ୩୦ରେ ଦୀପ ପ୍ରଜ୍ୱଳନ କରିବାକୁ ଲୋକଙ୍କୁ ନିବେଦନ କରିଛନ୍ତି। ଏହି ପ୍ରସଙ୍ଗରେ ଉପକୂଳବର୍ତ୍ତୀ ରାଜ୍ୟରେ ରାସ୍ତାଘାଟ ସମେତ ବିଭିନ୍ନ କାର୍ଯ୍ୟକ୍ରମ ଆୟୋଜିତ ହେବ ବୋଲି ସମାଜସେବୀ ପ୍ରଜଲ ସାଖରଦଣ୍ଡେ କହିଛନ୍ତି।
ନଦୀର ଜଳ ବାଣ୍ଟିବା ନେଇ କର୍ନାଟକ ଏବଂ ଗୋଆ ବହୁ ବର୍ଷ ଧରି ବିବାଦ ଘେରରେ ରହିଆସିଛନ୍ତି। ଚୁକ୍ତିନାମାକୁ ଅଣଦେଖା କରି କର୍ନାଟକକୁ ଏହି ପ୍ରସଙ୍ଗରେ ଏକପାଖିଆ କାର୍ଯ୍ୟ କରୁଥିବା ଗୋଆ ଅଭିଯୋଗ କରିଛି। ସାମାଜିକ କାର୍ଯ୍ୟକର୍ତ୍ତା ହ୍ରଦନାଥ ଶିରୋଦକର କହିଛନ୍ତି ଯେ ସମସ୍ତ ୪୦ ଜଣ ବିଧାୟକ ମଧ୍ୟ ଦୀପ ଜାଳି ଏହି ପ୍ରତିବାଦରେ ଅଂଶଗ୍ରହଣ କରିବା ଉଚିଦ। ସେ ଦାବି କରିଛନ୍ତି ଯେ ରାଜ୍ୟ ଜଳ ସମ୍ପଦ ବିଭାଗ ମନ୍ତ୍ରୀ ସୁଭାଷ ଶିରୋଦକର ଦୀପ ଜାଳିବାକୁ ଇଚ୍ଛା ପ୍ରକାଶ କରିଛନ୍ତି।
ପରିବେଶ କାର୍ଯ୍ୟକର୍ତ୍ତା ଅଭିଜିତ ପ୍ରଭାସାଇ ଅଭିଯୋଗ କରିଛନ୍ତି ଯେ ମହାଦେୟୀ ନଦୀ ଜଳ କୋଇଲା ଏବଂ ବିଦ୍ୟୁତ ଉତ୍ପାଦନ ପାଇଁ ବ୍ୟବହୃତ ହେଉଛି । କର୍ନାଟକ ସରକାର ସମଗ୍ର ବେଲାରୀ ବେଲ୍ଟକୁ ବିଦ୍ୟୁତ ଏବଂ ଇସ୍ପାତ କାରଖାନା କରିଡରରେ ପରିଣତ କରିବାକୁ ଚାହୁଁଛନ୍ତି। ନଦୀର ଅଧିକ ଜଳ କର୍ନାଟକ ସରକାର ବ୍ୟବହାର କରିବା ପାଇଁ ଜଳ ସ୍ରୋତକୁ ରାଜ୍ୟ ଆଡକୁ ବୁଲାଇ ନେଇଥିବା ଗୋଆ ଅଭିଯୋଗ କରିଛି।
