ନୂଆଦିଲ୍ଲୀ, ୨୦ା୭: ଭାରତୀୟ କ୍ରେକେଟ୍ ଟିମ୍ର ଦ୍ରୁତ ବୋଲର ମହମ୍ମଦ ସାମି ଏବଂ ଟେନିସ୍ ତାରକା ସାନିଆ ମିର୍ଜାଙ୍କ ବିବାହକୁ ନେଇ ନିକଟରେ ଚର୍ଚ୍ଚା ଜୋର ହେଉଥିଲା । ହେଲେ ଏହି ଖବରକୁ ନେଇ ସାମ଼୍ବାଦିକ ତଥା ୟୁଟ୍ୟୁବର ଶୁଭଙ୍କରଙ୍କୁ ସାକ୍ଷାତକାର ଦେବା ସମୟରେ ସେ ମୁହଁ ଖୋଲିଛନ୍ତି । ବିଭିନ୍ନ ସୋସିଆଲ ମିଡିଆରେ ସାମିଙ୍କ ସହ ସାନିଆଙ୍କ ଫଟୋକୁ ପୋଷ୍ଟ କରାଯାଉଛି । ସାନିଆଙ୍କ ପିତା ମଧ୍ୟ ଏହାକୁ ଅସ଼୍ବୀକାର କରି ଏହାକୁ କେବଳ ଗୁଜବ ବୋଲି କହିଥିଲେ। ସାନିଆଙ୍କ ବାପା ପ୍ରଶଂସକମାନଙ୍କୁ ଏପରି ଖବର ପ୍ରସାରଣ ନକରିବାକୁ ନିବେଦନ କରିଥିଲେ। ବର୍ତ୍ତମାନ ସାମି ନିଜେ ଏହି ପ୍ରସଙ୍ଗରେ ନୀରବତା ଭାଙ୍ଗିଛନ୍ତି ।
ନିକଟରେ ଶୁଭଙ୍କର ମିଶ୍ରଙ୍କ ସହ ହୋଇଥିବା ବାର୍ତ୍ତାଳାପରେ ଯେତେବେଳେ ସାମିଙ୍କୁ ଏହି ଗୁଜବ ବିଷୟରେ ପଚରାଯାଇଥିଲା, ସେ ଅନଲାଇନରେ ଏହିପରି ଖବର ପ୍ରସାର ପାଇଁ ଦାୟୀ ଲୋକଙ୍କୁ ତାଗିଦ କରିଥିଲେ । ଲୋକଙ୍କୁ ସୋସିଆଲ ମିଡିଆରେ ଅଧିକ ମିଥ୍ୟା ପ୍ରଚାର ନକରିବାକୁ ସେ କହିଥିଲେ ଏବଂ ଏଭଳି ମେମ୍ସ ମନୋରଞ୍ଜନ କରିପାରେ ବୋଲି କହିଥିଲେ । କିନ୍ତୁ ତାହା ଭଲ ନୁହେଁ । ମୁଁ ସମସ୍ତଙ୍କୁ ସୋସିଆଲ ମିଡିଆରେ ଏଭଳି ଭିତ୍ତିହୀନ ଖବର ପ୍ରଚାର ନକରିବାକୁ ଅନୁରୋଧ କରୁଛି ବୋଲି ସେ କହିଛନ୍ତି ।