ମହାରାଷ୍ଟ୍ର,୮।୧୧: ମହାରାଷ୍ଟ୍ରରେ ହେବାକୁ ଥିବା ବିଧାନସଭା ନିର୍ବାଚନକୁ ନେଇ ରାଜନୈତିକ ମାହୋଲ ଗରମ ରହିଛି। ଏହି ସମୟରେ ଏନସିପି-ଏସପି ମୁଖ୍ୟ ଶରଦ ପାୱାରଙ୍କ ଏକ ବଡ ବୟାନ ସାମ୍ନାକୁ ଆସିଛି। ଏକ ସାକ୍ଷାତକାର ସମୟରେ ଯେତେବେଳେ ଶରଦ ପାୱାରଙ୍କୁ ପଚରାଯାଇଥିଲା ଯେ ସେ କେବେ ରାଜନୀତିରୁ ଅବସର ନେବେ, ଏହାର ଉତ୍ତର ଦେଇ ସେ କହିଛନ୍ତି, ମୁଁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା ଠାରୁ ଦୂରରେ ରହିପାରେ, କିନ୍ତୁ ମୁଁ ଦଳ ସଂଗଠନ ଏବଂ ରାଜନୀତିଠାରୁ ଦୂରରେ ରହିବି ନାହିଁ। ମୁଁ ୧୪ ଥର ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଛି। ଏବେ ଆମକୁ ନୂଆ ପିଢି ଏବଂ ଦଳ ଉପରେ ଧ୍ୟାନ ଦେବା ଉଚିତ୍ ଏବଂ ଏହାକୁ ମଜବୁତ କରିବାକୁ ପଡ଼ିବ ।
ଏହା ବ୍ୟତୀତ ଯେତେବେଳେ ଶରଦ ପାୱାରଙ୍କୁ ପଚରାଯାଇଥିଲା ଯେ ମହା ବିକାଶ ଅଗାଡି ତରଫରୁ ଉଦ୍ଧବ ଠାକରେ ନା ଅନ୍ୟ କାହାକୁ ସିଏମ ଚେହେରା ଭାବରେ କାହିଁକି ଘୋଷଣା କରାଯାଇନାହିଁ। ଏହା ଉପରେ ସେ କହିଛନ୍ତି, “ଏହାର କୌଣସି ଆବଶ୍ୟକତା ନ ଥିଲା କାରଣ ଆମର ମିଶ୍ରଣ ହେଉଛି ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବା। ନିର୍ବାଚନରେ ଜିତିବାରେ କୌଣସି ଅସୁବିଧା ନ ହେବା ପାଇଁ ଆମେ ଏହି ନିଷ୍ପତ୍ତି ନେଇଛୁ। ନିର୍ବାଚନରେ ଯାହାର ଯେତେ ପ୍ରାର୍ଥୀ ଅଧିକ ଜିତିବେ ତାହା ଅନୁଯାୟୀ ନିଷ୍ପତ୍ତି ନିଆଯିବ॥
