ମୁମ୍ବାଇ,୧୩।୯: ଅଭିନେତ୍ରୀ କଙ୍ଗନା ରାଣାଓ୍ବତ୍ ବିବାଦ ମଧ୍ୟରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ରବିବାର ମୁହଁ ଖୋଲିଛନ୍ତି। ମହାରାଷ୍ଟ୍ରକୁ ଅସମ୍ମାନ କରିବା ପାଇଁ ଉଦ୍ୟମ କରାଯାଉଛି ବୋଲି ଉଦ୍ଧବ ଠାକରେ କହିଛନ୍ତି। ମୁଁ ଠିକ ସମୟରେ ଏହାର ଜବାବ ଦେବି। ଉଦ୍ଧବ ଏହା ମଧ୍ୟ କହିଛନ୍ତି ଯେ ମୋର ନୀରବତାକୁ ଦୁର୍ବଳତା ଭାବ ନାହିଁ। କିଛି ଲୋକ ଭାବି ପାରନ୍ତି ଯେ କରୋନା ସମାପ୍ତ ହୋଇଛି। ତେଣୁ ସେମାନେ ରାଜନୀତି ଆରମ୍ଭ କରିଛନ୍ତି। ମୁଁ ମହାରାଷ୍ଟ୍ରକୁ ଅସମ୍ମାନ କରିବାକୁ ଯାଉଥିବା ରାଜନୀତି ବିଷୟରେ କିଛି କହିବାକୁ ଚାହେଁ ନାହିଁ। ସଠିକ ସମୟରେ, ମୁଁ ଏହା ବିଷୟରେ କହିବି, ଏଥିପାଇଁ ମୋତେ କିଛି ସମୟ ପାଇଁ ସିଏମ୍ ପ୍ରୋଟୋକଲରୁ ନିଜକୁ ଦୂରେଇ ରହିବାକୁ ପଡିବ। ବର୍ତ୍ତମାନ ପାଇଁ ମୋର ଧ୍ୟାନ କରୋନା ଉପରେ ଅଛି ବୋଲି ସେ କହିଛନ୍ତି।