ମୁମ୍ବାଇ,୮।୯: ତୁଟୁନି ବଲିଉଡ୍ ନାୟିକା କଙ୍ଗନା ରାନାଓ୍ବତଙ୍କ ବିବାଦ। ଏବେ ମହାରାଷ୍ଟ୍ର ସରକାରଙ୍କ ସହ ଚାଲିଥିବା ବିବାଦ ଖୁବ୍ ଚର୍ଚ୍ଚାରେ ରହିଛି। ବେଳକୁ ବେଳ ତାଙ୍କ ଅଡୁଆ ଯେମିତି ବଢିବାରେ ଲାଗିଛି। କଙ୍ଗନା ମୁମ୍ବାଇକୁ ନେଇ ଦେଇଥିବା ବୟାନକୁ ନେଇ ବିବାଦ ବଢିବାରେ ଲାଗିଛି। ଏବେ ମହାରାଷ୍ଟ୍ର ସରକାର କହିଛନ୍ତି ସେ କଙ୍ଗନାଙ୍କ ଡ୍ରଗ୍ସ କନେକଶନକୁ ନେଇ ଯାଞ୍ଚ ଆରମ୍ଭ କରିବେ। ମହାରାଷ୍ଟ୍ରର ଗୃହମନ୍ତ୍ରୀ ମଙ୍ଗଳବାର ଏହା କହିଛନ୍ତି। ସେ କହିଛନ୍ତି ବିଧାୟକ ସୁନିଲ ପ୍ରଭୁ ଓ ପ୍ରତାପ ସରନାଇକଙ୍କ ଅନୁରୋଧ କ୍ରମେ ସେ ବିଧାନସଭାରେ କହିଥିଲେ କଙ୍ଗନା ରାନାଓ୍ବାତଙ୍କ ସମ୍ପର୍କ ଅଧ୍ୟୟନ ସୁମନଙ୍କ ସହ ଥିଲା। ଯିଏ ଏକ ସାକ୍ଷାତ୍କାରରେ କହିଥିଲେ କିସେ ନିଶା ନିଅନ୍ତି ଓ ତାଙ୍କୁ ନିଶା ସେବନ କରିବାକୁ ବାଧ୍ୟ ମଧ୍ୟ କରିଥିଲେ। ମୁମ୍ବାଇ ପୋଲିସ ଏହାର ଯାଞ୍ଚ କରିବ ବୋଲି ସେ କହିଛନ୍ତି। ସୂଚନାଯୋଗ୍ୟ, ବିଧାୟକ ସୁନିଲ ପ୍ରଭୁ ଓ ପ୍ରତାପ ସରନାଇକ ଅଧ୍ୟୟନ ସୁମନଙ୍କ ଏକ ପୁରୁଣା ସାକ୍ଷାତ୍କାରର ଏକ କପି ମହାରାଷ୍ଟ୍ର ସରକାରଙ୍କୁ ପ୍ରଦାନ କରିଛନ୍ତି। ଏହି ଆଧାରରେ ଏବେ ସରକାର ଏହାର ଯାଞ୍ଚ ନିର୍ଦ୍ଦେଶ ଦେଇଛନ୍ତି। ଏହା ଜାଣିବା ପରେ କଙ୍ଗନା ଏହାକୁ ସ୍ବାଗତ କରିଛନ୍ତି।
