ନୂଆଦିଲ୍ଲୀ,୨୨।୧୧: ମହାରାଷ୍ଟ୍ର ଏବଂ ଝାଡଖଣ୍ଡ ବିଧାନସଭା ନିର୍ବାଚନର ଫଳାଫଳ ଶନିବାର ଅର୍ଥାତ୍ ୨୩ ନଭେମ୍ବରରେ ଆସିବ। ସେହି ଦିନ ରାଜସ୍ଥାନ ଏବଂ ୟୁପିରେ ଅନୁଷ୍ଠିତ ଉପ-ନିର୍ବାଚନର ଫଳାଫଳ ମଧ୍ୟ ଆସୁଛି। ନିର୍ବାଚନର ଫଳାଫଳ ପୂର୍ବରୁ ଆସିଥିବା ଏକଜିଟ ପୋଲ ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଅଧିକାଂଶ ଏକଜିଟ ପୋଲ ମହାରାଷ୍ଟ୍ର ଏବଂ ଝାଡଖଣ୍ଡରେ ଏନଡିଏ ସରକାର ଗଠନ ଆଡକୁ ସୂଚାଉଛି। ଏଥି ସହିତ, ବର୍ତ୍ତମାନ ନିର୍ବାଚନର ଫଳାଫଳକୁ ନେଇ ଫଲୋଦି ସଟ୍ଟା ବଜାରର ପୂର୍ବାନୁମାନ ଆହୁରି ଚକିତ କରିଛି।
ମହାରାଷ୍ଟ୍ରରେ ଗ୍ରାଣ୍ଡ ଆଲାଇନ୍ସ (ଏନଡିଏ) ସରକାର ଗଠନ ହେବାର ଫଲୋଦିି ସଟ୍ଟା ବଜାର ପୂର୍ବାନୁମାନ କରିଛି। ଏଠାରେ ମହାୟୁତି ଗଠବନ୍ଧନ ୧୪୩-୧୪୬ ସିଟ ପାଇବ ବୋଲିି କୁହାଯାଉଛି। ଯେଉଁଠାରେ କେବଳ ଭାଜପାକୁ ୯୦-୯୩ଟି ଆସନ ମିଳିବ।
ସେହିଭଳି ଝାଡଖଣ୍ଡରେ ମଧ୍ୟ ଫଲୋଦିି ବଜାର ଭାଜପା ଗଠବନ୍ଧନ ସରକାର ଗଠନ ସପକ୍ଷରେ ଅଛି। ୮୧ଟି ଆସନ ବିଶିଷ୍ଟ ରାଜ୍ୟରେ ଏନଡିଏ ୪୪-୪୬ଟି ସିଟ ପାଇବ ବୋଲି ଆଶା କରାଯାଉଛି।
