ପୁଣେ,୨୩।୨: ଶିବସେନା ନେତା ସଞ୍ଜୟ ରାଉତ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ପୁଅକୁ ବଦ୍ନାମ କରିବାକୁ ଚେଷ୍ଟା କରୁଥିବା ଅଭିଯୋଗ କରିଛନ୍ତି ମହାରାଷ୍ଟ୍ର ସରକାରୀ ମନ୍ତ୍ରୀ ଶମ୍ଭୁରାଜ ଦେଶାଇ। ନିକଟରେ ତାଙ୍କ ଜୀବନ ପ୍ରତି ବିପଦ ଥିବା ସଞ୍ଜୟ କହିଥିଲେ। ଏକନାଥ ଶିନ୍ଦେଙ୍କ ପୁଅ ତଥା ଏମ୍ପି ଶ୍ରୀକାନ୍ତ ଶିନ୍ଦେ ତାଙ୍କୁ ହତ୍ୟା କରିବା ପାଇଁ ଷଡଯନ୍ତ୍ର ରଚିଥିବା ସେ ଅଭିଯୋଗ କରିଛନ୍ତି। ଏହି ପ୍ରସଙ୍ଗରେ ସଞ୍ଜୟ ମଧ୍ୟ ମୁମ୍ବାଇ ପୋଲିସ କମିଶନରଙ୍କୁ ଏକ ଲିଖିତ ଅଭିଯୋଗ ଦେଇଛନ୍ତି। ଏନେଇ ଶମ୍ଭୁରାଜ କହିଛନ୍ତି,ଶ୍ରୀକାନ୍ତଙ୍କୁ ବଦନାମ କରିବା ପାଇଁ ଚେଷ୍ଟା ଚଲାଇଛନ୍ତି ସଞ୍ଜୟ। ଏଥିରେ ଆଦୌ ସଫଳ ହେବେ ନାହିଁ। ସେ ତାଙ୍କ ସୁରକ୍ଷା ବଢାଇବା ପାଇଁ ଏଭଳି ଅଭିଯୋଗ ଆଣୁଛନ୍ତି।
ସଞ୍ଜୟ ଲିଖିତ ଅଭିଯୋଗରେ କହିଛନ୍ତି, ଲୋକ ସଭା ଏମ୍ପି ଶ୍ରୀକାନ୍ତ ଶିନ୍ଦେ ମୋତେ ହତ୍ୟା ପାଇଁ ଥାନେର ଅପରାଧୀ ରାଜା ଠାକୁରଙ୍କୁ ସୁପାରି ନେଇଛନ୍ତି। ସଞ୍ଜୟ ରାଉତ ତାଙ୍କ ଚିଠିର ଏକ ନକଲ ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ଏବଂ ଥାନେ ପୋଲିସକୁ ମଧ୍ୟ ପଠାଇଛନ୍ତି। ଶ୍ରୀକାନ୍ତ ସିନ୍ଦେ ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ପୁଅ ଏବଂ ବର୍ତ୍ତମାନ ଥାନେର କଲ୍ୟାଣରୁ ଏମ୍ପି ଅଛନ୍ତି।