ମୁମ୍ବାଇ,୩।୭: ଜାତୀୟତାବାଦୀ କଂଗ୍ରେସ ପାର୍ଟି (ଏନସିପି) ରେ ଅଜିତ ପାୱାରଙ୍କ ବିଦ୍ରୋହର ଗୋଟିଏ ଦିନ ପରେ ଦଳର ମୁଖ୍ୟ ଶରଦ ପାୱାର ସୋମବାର ସତାରାରେ ସମର୍ଥକଙ୍କୁ ସମ୍ବୋଧିତ କରିଛନ୍ତି। ଏହି ସମୟରେ ଏନସିପି ନେତା କହିଛନ୍ତି, ଆଜି ଆମେ ସମସ୍ତଙ୍କୁ ଏକଜୁଟ ରହିବାର ଆବଶ୍ୟକ। ଏଥିସହ ଭାଜପା ଉପରେ ମଧ୍ୟ ଆକ୍ରମଣ କରିଛନ୍ତି।
ଶରଦ ପାୱାର ସୋମବାର ମହାରାଷ୍ଟ୍ରର ସତାରାରେ ପହଞ୍ଚି ଓ୍ବାଇବି ଚାହୱାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ସତାରାରେ କରାଡରେ ଥିବା ଓ୍ବାଇବି ଚାବନ ସ୍ମାରକପତ୍ରରେ ପାର୍ଟି ସମର୍ଥକଙ୍କୁ ସମ୍ବୋଧିତ କରି ବରିଷ୍ଠ ପାୱାର କହିଛନ୍ତି େ,ଯ ବର୍ତ୍ତମାନ ଆମେ ସମସ୍ତେ ଏକଜୁଟ ହେବା ଆବଶ୍ୟକ। ଏହାପୂର୍ବରୁ ଶରଦ ପାୱାର ଏକ ରୋଡ ଶୋ’ କରି ନିଜର ଶକ୍ତି ଦେଖାଛନ୍ତି।
ସେ କହିଛନ୍ତି, ମହାରାଷ୍ଟ୍ର ଜାତି ଓ ଧର୍ମ ନାମରେ ବିଭକ୍ତ ହୋଇଛି। ଧାର୍ମିକ ବିବାଦ ସୃଷ୍ଟି ହେଉଛି। ଆମେ ମହାରାଷ୍ଟ୍ରକୁ ମଜବୁତ ବିନା ଆମେ ରୋକିବୁ ନାହିଁ। ମହାରାଷ୍ଟ୍ରକୁ ଏହାର ଏକତା ଦେଖାଇବାକୁ ପଡ଼ିବ। ଭାରତୀୟ ଜନତା ପାର୍ଟି ଉପରେ ଆକ୍ରମଣ କରି ଏନସିପି ମୁଖ୍ୟ କହିଛନ୍ତି, ଭାଜପା ସର୍ବଦା ଏକ ତରଫା ଖେଳ ଖେଳୁଛି। ଭାଜପାକୁ ଏହାର ଉପଯୁକ୍ତ ସ୍ଥାନ ଦେଖାଇବାକୁ ପଡ଼ିବ।
