କୋଲକାତା,୩।୭: ଏନସିପି ନେତା ଅଜିତ ପାୱାର ରବିବାର ବିରୋଧୀ ଦଳ ନେତା ପଦ ଛାଡି ଏକନାଥ ଶିନ୍ଦେଙ୍କ ନେତୃତ୍ୱାଧୀନ ମହାରାଷ୍ଟ୍ର ସରକାରରେ ଉପମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି। ଯାହାକୁ ନେଇ ମହାରାଷ୍ଟ୍ର ରାଜନୀତିରେ ବିଦ୍ରୋହ ଦେଖାଯାଇଛି। ଅଜିତ ପାୱାର ଶିନ୍ଦେ ସରକାରଙ୍କ ସମର୍ଥନରେ ଉପମୁଖ୍ୟମନ୍ତ୍ରୀ ହେବା ପରେ ବିଭିନ୍ନ ନେତାଙ୍କ ପ୍ରତିକ୍ରିୟା ସାମ୍ନାକୁ ଆସୁଛି। ଏହି କ୍ରମରେ ଟିଏମସି ନେତା ସୌଗତ ରୟ ବର୍ତ୍ତମାନ ଅଜିତ ପାୱାରଙ୍କୁ ଟାର୍ଗେଟ କରିଛନ୍ତି ଏବଂ ଅଜିତ ପାୱାର ଜଣେ ଦେଶଦ୍ରୋହୀ ବୋଲି ମଧ୍ୟ କହିଛନ୍ତି। ଏହା ସହିତ ସୌଗତ ରୟ ଶରଦ ପାୱାରଙ୍କୁ ସମର୍ଥନ କରୁଥିବା ଦେଖିବାକୁ ମିଳିଛି।
ସୌଗତ ରୟ କହିଛନ୍ତି, ଅଜିତ ପାୱାର ଜଣେ ଦେଶଦ୍ରୋହୀ। ଟିଏମସି ବିଶ୍ୱାସ କରେ ଯେ ଶରଦ ପାୱାର ଯାହା କହୁଛନ୍ତି ତାହା ଠିକ୍। ଭାଜପା ସରକାର ବାରମ୍ବାର ଟଙ୍କା ନେଇ ନେତାମାନଙ୍କୁ କିଣୁଛନ୍ତି ଏବଂ ବିରୋଧୀଙ୍କୁ ଦୁର୍ବଳ କରିବାକୁ ଚେଷ୍ଟା କରୁଛନ୍ତି। ମୁମ୍ବାଇ ଏବଂ ମହାରାଷ୍ଟ୍ରରେ ଏହା ଘଟିଛି କିନ୍ତୁ ଏହା ଦେଶ ଉପରେ ପ୍ରଭାବ ପକାଇବ ନାହିଁ। ଆମେ ଶରଦ ପାୱାରଙ୍କ ସହିତ ଅଛୁ।