ମୁମ୍ବାଇ,୧୧।୧୦: ଜାତୀୟତାବାଦୀ କଂଗ୍ରେସ ପାର୍ଟିର ବିଭାଜନ ଉପରେ ନିର୍ବାଚନ ଆୟୋଗଙ୍କ ଶୁଣାଣି ମଧ୍ୟରେ ବିଦ୍ରୋହୀ ଦଳର ମୁଖ୍ୟ ଅଜିତ ପାୱାର ମଙ୍ଗଳବାର ନିଜକୁ ଏନସିପିର ରାଷ୍ଟ୍ରୀୟ ଅଧ୍ୟକ୍ଷ ବୋଲି ଘୋଷଣା କରିଛନ୍ତି।
ଶିବସେନା-ଭାରତୀୟ ଜନତା ପାର୍ଟି (ଭାଜପା) ସରକାରରେ ଯୋଗଦେବା ପରେ ଅଜିତ ପାୱାର ଜୁଲାଇ ୨ରେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ। ସେ ମଙ୍ଗଳବାର ଉପମୁଖ୍ୟମନ୍ତ୍ରୀ ଭାବରେ ୧୦୦ ଦିନ କାର୍ଯ୍ୟକାଳ ସମାପ୍ତ କରିଛନ୍ତି।
ଏହି ଅବସରରେ ଜାରି ବିବୃତ୍ତିରେ ଅଜିତ ପାୱାର ମହାରାଷ୍ଟ୍ରର ପ୍ରଥମ ମୁଖ୍ୟମନ୍ତ୍ରୀ ସ୍ବର୍ଗତ ଯଶବନ୍ତରାଓ ଚବନଙ୍କୁ ତାଙ୍କର ପ୍ରେରଣା ଉତ୍ସ ବୋଲି ବର୍ଣ୍ଣନା କରିଛନ୍ତି। ତେବେ ସେ ତାଙ୍କ ଦାଦା ତଥା ଏନସିପି ପ୍ରତିଷ୍ଠାତା ଶରଦ ପାୱାରଙ୍କ ନାମ ଉଲ୍ଲେଖ କରିନାହାଁନ୍ତି। ସେ ଯଶବନ୍ତରାଓ ଚବନଙ୍କୁ ଉତ୍ତରାଧିକାରୀ ଦାବି କରି କହିଛନ୍ତି ଯେ, ରାଜ୍ୟର ପ୍ରଥମ ମୁଖ୍ୟମନ୍ତ୍ରୀଙ୍କଠାରୁ ଲୋକଙ୍କ କଲ୍ୟାଣ ପାଇଁ କାର୍ଯ୍ୟ କରିବାକୁ ତାଙ୍କୁ ପ୍ରେରଣା ମିଳିଛି।