ମୁମ୍ବାଇ,୨୯ ।୧: ମହାରାଷ୍ଟ୍ରର ମହିଳା ପୋଲିସଙ୍କ ପାଇଁ ଖୁସି ଖବର । ସରକାର ଏବେ ସେମାନଙ୍କ ଡ୍ୟୁଟି ଟାଇମକୁ କମାଇ ଦେଇଛନ୍ତି । ପୋଲିସ ମହାନିର୍ଦ୍ଦେଶକ(ଡିଜିପି) ସଞ୍ଜୟ ପାଣ୍ଡେଙ୍କ ଦ୍ୱାରା ଜାରି କରାଯାଇଥିବା ଏକ ନିର୍ଦ୍ଦେଶ ଅନୁଯାୟୀ, ସମ୍ପୂର୍ଣ୍ଣ ରାଜ୍ୟରେ ଏବେ ମହିଳା କୋଲିସ ୧୨ ଘଣ୍ଟା ପରିବର୍ତ୍ତେ ୮ ଘଣ୍ଟା ଡ୍ୟୁଟି କରିବେ । ଏହା ପ୍ରୟୋଗାତ୍ମକ ଆଧାରରେ ଲାଗୁ କରାଯିବ । ତେବେ ପରବର୍ତ୍ତି ନିର୍ଦ୍ଦେଶ ପର୍ଯ୍ୟନ୍ତ ଏହା କାର୍ଯ୍ୟକାରୀ କରାଯିବ । ଜଣେ ବରିଷ୍ଠ ଅଧିକାରୀ କହିଛନ୍ତି ମହିଳାଙ୍କ କାର୍ଯ୍ୟ ଓ ସେମାନଙ୍କ ବ୍ୟକ୍ତିଗତ ଜୀବନରେ ଭଲ ତାଳମେଳ ରକ୍ଷା କରିବାକୁ ଏଭଳି ନିଷ୍ପତ୍ତି ନିଆଯାଇଛି । ଏହାପୂର୍ବରୁ ଏଭଳି ବ୍ୟବସ୍ଥା ନାଗପୁର ସହର, ଅମରାବତୀ ସହର ଓ ପୁଣେ ଗ୍ରାମୀଣରେ ଲାଗୁ କରାଯାଇଛି ।
