ଲଣ୍ଡନ, ୧୦।୮: ଜାତିର ପିତା ମହାତ୍ମା ଗାନ୍ଧୀଙ୍କ ଚଷମା ନିଲାମ କରାଯିବ। ଏନେଇ ଅନ୍ଲାଇନ୍ରେ ୫ ଲକ୍ଷ ୮୮ ହଜାର ୧୦ ଟଙ୍କା(୬ ହଜାର ପାଉଣ୍ଡ) ପର୍ଯ୍ୟନ୍ତ ଏହାର ଦାମ ଯାଇଛି। ମହାତ୍ମାଙ୍କ ଏହି ଗୋଲାକାର ଚଷମା କିଣିବା ପାଇଁ ଲୋକଙ୍କ ମଧ୍ୟରେ ଆଗ୍ରହ ବଢ଼ିବାରେ ଲାଗିଛି। ୧୯୦୦ ମସିହାର ପ୍ରଥମ ଦଶକରେ ମହାତ୍ମାଙ୍କୁ ଉପହାରରେ ମିଳିଥିବା ଏହି ଚଷମାର ନିଲାମ ଡାକ ୧୧ ଲକ୍ଷ ୭୬ ହଜାର ଟଙ୍କାରୁ ୧୭ ଲକ୍ଷ ୫୪ ହଜାର ଟଙ୍କା( ୧୦ ହଜାରରୁ ୧୫ ହଜାର ପାଉଣ୍ଡ) ପର୍ଯ୍ୟନ୍ତ ଯିବାର ଆଶାଥିବା ଇଷ୍ଟ ବିଷ୍ଟଲ ନିଲାମ ହାଉସ୍ ପକ୍ଷରୁ ସୂଚନା ଦିଆଯାଇଛି। ଏହି ଚଷମା ବିିକ୍ରେତା ଏଣ୍ଡି ଷ୍ଟୋଓ୍ବଙ୍କ ଅନୁସାରେ ତାଙ୍କ ଦାଦା ୧୯୧୦ରୁ ୧୯୩୦ ମଧ୍ୟରେ ଦକ୍ଷିଣ ଆଫ୍ରିକାରେ ବ୍ରିଟିଶ୍ ପେଟ୍ରୋଲିୟମ୍ରେ କାମ କରୁଥିଲେ। ଏହି ସମୟରେ ସେ ମହାତ୍ମାଙ୍କୁ ଚଷମା ଉପହାରରେ ଦେଇଥିଲେ।
