ସାଉଥ ଫିଲ୍ମ ଇଣ୍ଡଷ୍ଟ୍ରିର ସୁପରଷ୍ଟାର ମହେଶ ବାବୁ ନିଜର ଦୃଢ଼ ଅଭିନୟ ଏବଂ ସୁନ୍ଦର ଚେହେରା ସହିତ ଦର୍ଶକଙ୍କ ହୃଦୟ ଜିତିଛନ୍ତି। ଚଳିତ ବର୍ଷ ମହେଶ ବାବୁ ତାଙ୍କର ୪୬ ତମ ଜନ୍ମଦିନ ପାଳନ କରୁଛନ୍ତି। ସେ ତାମିଲନାଡୁର ରାଜଧାନୀ ଚେନ୍ନାଇରେ ଜନ୍ମଗ୍ରହଣ କରିଥିଲେ। ତେବେ ଆଜିର ଏହି ବିଶେଷ ଦିନରେ ତାଙ୍କ ବ୍ୟକ୍ତିଗତ ଜୀବନ ସହିତ ଜଡ଼ିତ କିଛି କଥା ଜାଣନ୍ତୁ। ନମ୍ରତା ଶିରୋଦକର ଏବଂ ମହେଶଙ୍କ ପ୍ରେମ କାହାଣୀ ଏକ ଚଳଚ୍ଚିତ୍ର କାହାଣୀଠାରୁ କମ ନୁହେଁ । ମହେଶଙ୍କ ଜନ୍ମଦିନ ଅବସରରେ, ଏହି ଦୁଇ କଳାକାରଙ୍କ ପ୍ରେମ କାହାଣୀ ବିଷୟରେ ଜାଣନ୍ତୁ। ନମ୍ରତା ସ୍ବାମୀ ମହେଶଙ୍କଠାରୁ ଚାରି ବର୍ଷ ବଡ଼ କିନ୍ତୁ ବୟସ ପ୍ରତିବନ୍ଧକ ଏହି ଦୁଇଜଣଙ୍କ ମଧ୍ୟରେ କେବେ ଆସି ନ ଥିଲା।
ନମ୍ରତା ହିନ୍ଦୀ ସିନେମାର ଜଣେ ଜଣାଶୁଣା ଅଭିନେତ୍ରୀ । ସେ ସଲମାନ ଖାନଙ୍କ ବିପକ୍ଷରେ ଫିଲ୍ମ ‘ଜବ ପ୍ୟାର କିସି ସେ ହୋତା ହ ’ ରେ ଅଭିନୟ ଆରମ୍ଭ କରିଥିଲେ। ୧୯୯୩ରେ ନମ୍ରତା ‘ଫେମିନା ମିସ ଇଣ୍ଡିଆ’ ମୁକୁଟ ଅର୍ଜନ କରିଥିଲେ। ତେଲୁଗୁ ଚଳଚ୍ଚିତ୍ର ‘ଭାମସି’ର ଶୁଟିଂ ସମୟରେ ନମ୍ରତା ଶିରୋଦକର ଏବଂ ମହେଶ ବାବୁଙ୍କ ପ୍ରଥମେ ସାକ୍ଷାତ ହୋଇଥିଲା।
ପ୍ରଥମ ସାକ୍ଷାତ ପରେ ନମ୍ରତା ଏବଂ ମହେଶ ବାବୁ ବହୁତ ଭଲ ବନ୍ଧୁ ହୋଇଥିଲେ ଏବଂ ଫିଲ୍ମର ଶୁଟିଂ ଶେଷ ହେବା ବେଳକୁ ଦୁହେଁ ପରସ୍ପରକୁ ଭଲ ପାଉଥିଲେ। ଫିଲ୍ମ ‘ଭାମସି’ର ଶୁଟିଂ ସମୟରେ ଦୁହେଁ ପ୍ରେମରେ ପଡିଥାଇ ପାରନ୍ତି, କିନ୍ତୁ ଗଣମାଧ୍ୟମ ଆଗରେ ସେମାନେ ନିଜ ସମ୍ପର୍କକୁ ସ୍ବୀକାର କରି ନ ଥିଲେ। ଏପରିକି ମହେଶ ନମ୍ରତାଙ୍କ ସହ ତାଙ୍କ ସମ୍ପର୍କ ବିଷୟରେ ପରିବାର ଲୋକଙ୍କୁ କହି ନ ଥିଲେ।
ମହେଶ ପ୍ରଥମେ ତାଙ୍କ ଭଉଣୀଙ୍କୁ ତାଙ୍କର ଏବଂ ନମ୍ରତାଙ୍କ ସମ୍ପର୍କ ବିଷୟରେ କହିଥିଲେ। ମହେଶ ଏବଂ ନମ୍ରତା ପ୍ରାୟ ଚାରି ବର୍ଷ ପରସ୍ପରକୁ ଡେଟ କରିଥିଲେ। ଏହା ପରେ, ଉଭୟ ଫେବୃଆରୀ ୧୦ରେ ବିବାହ କରିଥିଲେ। ବିବାହ ପୂର୍ବରୁ ନମ୍ରତା ନିଷ୍ପତ୍ତି ନେଇଥିଲେ ଯେ , ସେ ଫିଲ୍ମ ଜଗତ ଛାଡିବେ, ତେଣୁ ସେ ବିବାହ ପୂର୍ବରୁ ତାଙ୍କର ସମସ୍ତ ପ୍ରୋଜେକ୍ଟ ଶେଷ କରିଥିଲେ।
ବିବାହର ଏକ ବର୍ଷ ପରେ ନମ୍ରତା ପୁଅ ଗୌତମଙ୍କୁ ଜନ୍ମ ଦେଇଥିଲେ। ବିବାହର ତିନି ବର୍ଷ ପରେ, ଖବର ଆସିଥିଲା ଯେ, ନମ୍ରତା ଏବଂ ମହେଶଙ୍କ ସମ୍ପର୍କ ଭଲରେ ଚାଲି ନ ଥିଲା, କିନ୍ତୁ ଦୁହେଁ ଏ ବିଷୟରେ ଖୋଲାଖୋଲି ଭାବେ କହି ନ ଥିଲେ। ଏହା ପରେ, ନମ୍ରତା ଶିରୋଦକର ୨୦୧୨ ମସିହାରେ ଝିଅ ସୀତାରଙ୍କୁ ଜନ୍ମ ଦେଇଥିଲେ। ନମ୍ରତା ଶିରୋଦକର ଏବଂ ମହେଶ ବାବୁ ବର୍ତ୍ତମାନ ସେମାନଙ୍କର ସୁଖମୟ ଦାମ୍ପତ୍ୟ ଜୀବନକୁ ଆଗେଇ ନେଉଛନ୍ତି।
