ଗାନ୍ଧୀନଗର, ୨୫।୧୦- ଗୁଜୁରାଟୀ ଗାୟକ ତଥା ଭାଜପାର ପୂର୍ବତନ ଏମପି ମହେଶ କାନୋଡିଆଙ୍କ ରବିବାର ପରଲୋକ ହୋଇଯାଇଛି। ୮୩ ବର୍ଷ ବୟସରେ ମହେଶ ଗୁଜୁରାଟର ଗାନ୍ଧୀନଗରରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ଦୀର୍ଘଦିନ ଧରି ସେ ଅସୁସ୍ଥତା ଥିଲେ। ଗୁଜୁରାଟର ପାଟନ ନିର୍ବାଚନ ମଣ୍ଡଳୀରୁ ସେ ପ୍ରତିନିଧିତ୍ୱ କରୁଥିଲେ। ସେ ମହିଳା ସ୍ବର ସହିତ ୩୨ ଗାୟକଙ୍କ ସ୍ବରରେ ଗୀତ ଗାଇ ପାରୁଥିଲେ। ମହେଶଙ୍କ ନିଧନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୋକପ୍ରକାଶ କରି ଟୁଇଟ କରିଛନ୍ତି। କାନୋଡିଆ ଜଣେ ବହୁମୂଖୀ ପ୍ରତିଭସମ୍ପନ୍ନ ଗାୟକ ଥିଲେ । ଜଣେ ରାଜନେତା ଭାବରେ ମଧ୍ୟ ଗରିବ ଓ ପଛୁଆ ବର୍ଗଙ୍କ ପାଇଁ ସେ ସର୍ବଦା ସମର୍ପିତ ରହିଥିଲେ ବୋଲି ପ୍ରଧାନମନ୍ତ୍ରୀ ଟୁଇଟରେ ଉଲ୍ଲେଖ କରିଛନ୍ତି।