ନୂଆଦିଲ୍ଲୀ,୧୯।୧: ଦେଶର ପ୍ରମୁଖ ଅଟୋମୋବାଇଲ କମ୍ପାନୀ ତଥା ମହିନ୍ଦ୍ରା ଗ୍ରୁପ୍ର ସହଯୋଗୀ ସଂସ୍ଥା ମହିନ୍ଦ୍ରା ଇଲେକ୍ଟ୍ରିକ୍ ମୋବିଲିଟି ଲିମିଟେଡ୍ ପକ୍ଷରୁ ଏକ ସ୍ବତନ୍ତ୍ର ଡ୍ରାଇଭର ଆପ୍ ‘ନେମୋ’ର ଶୁଭାରମ୍ଭ କରାଯାଇଛି। ବିଶେଷକରି ମହିନ୍ଦ୍ରାର ତିନିଚକିଆ ଯାନର ଡ୍ରାଇଭର (ଚାଳକ) ମାନଙ୍କ ପାଇଁ ଉକ୍ତ ଆପ୍ର ଶୁଭାରମ୍ଭ କରାଯାଇଛି। ଏପରିକି ମହିନ୍ଦ୍ରାର ପରିଚିତ କନେକ୍ଟେଡ୍ ମୋବିଲିଟି ଭିତ୍ତିଭୂମି ଆଧାରରେ ଏହି ଆପ୍କୁ ପ୍ରସ୍ତୁତ କରାଯାଇଛି। ସେହିଭଳି ରେଞ୍ଜକୁ ନେଇ ଉଦ୍ବେଗ ଆଦି ସମସ୍ୟାକୁ ଏହା ସମାଧାନ କରିବା ସହ ନିଜ ଚାର୍ଜିଂ ଯୋଜନା ପ୍ରସ୍ତୁତ କରିବାରେ ମଧ୍ୟ ଏହା ଗ୍ରାହକମାନଙ୍କ ଲାଗି ବେଶ୍ ସହାୟକ ହେବ। ଫଳରେ ସେମାନ (ଚାଳକ)ଙ୍କ ପରିଚାଳନା ଦକ୍ଷତାରେ ଉନ୍ନତି ହୋଇପାରିବ। ଏହା ଇଣ୍ଟରଆକ୍ଟିଭ୍ ଭିତ୍ତିକ ଏବଂ ମହିନ୍ଦ୍ରା ଟ୍ରିଓ ଅଟୋ, ଟ୍ରିଓ ଜୋର, ଜୋର ଗ୍ରାଣ୍ଡ୍ ଭଳି ଇଲେକ୍ଟ୍ରିକ୍ ତିନି ଚକିଆ ପାଇଁ ଗୁରୁତ୍ୱପୂର୍ଣ୍ଣ ଲାଇଭ୍ ତଥ୍ୟ ପ୍ରଦାନ କରିବ। ସେହିପରି ଗ୍ରାହକମାନଙ୍କ ବ୍ୟାପକ ମତାମତ ଗ୍ରହଣ କରିବା ପରେ ନେମୋ ଆପ୍କୁ ପ୍ରସ୍ତୁତ କରାଯାଇଛି। ଇଲେକ୍ଟ୍ରିକ୍ ଯାନକୁ ଅଧିକ କନେକ୍ଟେଡ୍, ସହଜ ଓ ଚିନ୍ତାମୁକ୍ତ କରିବା ଲକ୍ଷ୍ୟ ନେଇ କମ୍ପାନୀ ପକ୍ଷରୁ ଏଭଳି ଏକ ଆପ୍ର ବିକାଶ କରାଯାଇଛି। ଅପରପକ୍ଷରେ ଗ୍ରାହକମାନେ ଆଣ୍ଡ୍ରଏଡ୍ ଫୋନ ଜରିଆରେ ଉକ୍ତ ଆପ୍କୁ ପ୍ଲେ ଷ୍ଟୋରରୁ ମାଗଣାରେ ଡାଉନ୍ଲୋଡ୍ କରିପାରିବେ। ଏ ସମ୍ପର୍କରେ ମହିନ୍ଦ୍ରା ଇଲେକ୍ଟ୍ରିକ୍ ମୋବିଲିଟିର ସିଇଓ ସୁମନ ମିଶ୍ର କହିଛନ୍ତି, ଚାଳକଙ୍କୁ ଏକ ଉପଯୁକ୍ତ ସମାଧାନର ଉପସ୍ଥାପନ କରି ମୁଁ ଅତ୍ୟନ୍ତ ଉଲ୍ଲସିତ ରହିଛି। ଏହା ଜରିଆରେ ଆମ ଚାଳକବନ୍ଧୁମାନେ ସେମାନଙ୍କ ହାତପାଆନ୍ତରେ ମହିନ୍ଦ୍ରା ଦୂରଦୂରାନ୍ତ ଇଭି ଗମନାଗମନକୁ ନିୟନ୍ତ୍ରଣ କରିପାରିବେ। ବାସ୍ତବ ସମୟ ତଥ୍ୟ ସହ ଇଭିକୁ ଗ୍ରହଣ କରିଥିବା ଲୋକମାନଙ୍କ ପାଇଁ ଗାଡ଼ି ଚାଳନାର ଢାଞ୍ଚାରେ ଉକ୍ତ ଆପ୍ ଉନ୍ନତି ଆଣିବ ଏବଂ ଠିକ୍ ତଥ୍ୟ ଜରିଆରେ ସେମାନଙ୍କ ଲାଭକୁ ବଢ଼ାଇବା ସହ ପରିବେଶ ମିତବ୍ୟୟିତା ଓ ନିରନ୍ତରତା ବାର୍ତ୍ତାର ପ୍ରଚାର କରିବ। ଉକ୍ତ ନେମୋ ଡ୍ରାଇଭର ଆପ୍ରେ ୧୧ପ୍ରକାର ପ୍ରମୁଖ ସୁବିଧା ରହିଛି।