ଭୁବନେଶ୍ୱର,୯।୬: ଦେଶର ପ୍ରମୁଖ ଅଟୋମୋବାଇଲ କମ୍ପାନୀ ମହିନ୍ଦ୍ରା ଆଣ୍ଡ୍ ମହିନ୍ଦ୍ରା ଲିମିଟେଡ୍ର ବହୁ ପ୍ରତୀକ୍ଷିତ ତଥା ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ‘ନ୍ୟୁ ସୁପ୍ରୋ ସିଏନ୍ଜି ଡୁଓ’ର ବଜାର ପ୍ରବେଶ ସମ୍ପର୍କରେ ଘୋଷଣା କରାଯାଇଛି। ଏପରିକି କମ୍ପାନୀର ପ୍ରଥମଧରଣର ଡୁଆଲ ଫୁଏଲ ଏସ୍ସିଭି ମଡେଲ ସୁପ୍ରୋ ସିଏନ୍ଜି ଡୁଓକୁ ନିକଟରେ ସର୍ବଭାରତୀୟ ଉନ୍ମୋଚନ କରାଯାଇଥିଲା। ଉକ୍ତ ମଡେଲ ଶ୍ରେଷ୍ଠ ମାନର ପେ’ଲୋଡ୍ ସହ ଉଲ୍ଲେଖନୀୟ ମାଇଲେଜ୍ ପ୍ରଦାନ କରୁଥିବା ବେଳେ ଉତ୍କୃଷ୍ଟ ପ୍ରଦର୍ଶନ ଓ ସର୍ବାଧିକ ଲାଭର ପ୍ରତିଶ୍ରୁତି ସହ ଉଭୟ ସିଏନ୍ଜି ଓ ପେଟ୍ରୋଲ ଦ୍ୱାରା ପରିଚାଳିତ ହେଉଛି। ଏ ସମ୍ପର୍କରେ ମହିନ୍ଦ୍ରା ଆଣ୍ଡ ମହିନ୍ଦ୍ରା ଅଟୋମୋଟିଭ୍ ଡିଭିଜନର ସଭାପତି ବିଜୟ ନାକ୍ରା କହିଛନ୍ତି, ଗ୍ରାହକଙ୍କୁ ଭଲ ଭାବେ ବୁଝିବା ଓ ବଜାରରେ ଦଶନ୍ଧି ଧରି ପ୍ରମୁଖ ଏସ୍ସିଭି ବର୍ଗରେ ରହିବା ସହିତ ଅଭିନବ ଓ ଭରସାଯୋଗ୍ୟ କମର୍ସିଆଲ୍ ଯାନ ପ୍ରସ୍ତୁତ କରିବା ଲାଗି ମହିନ୍ଦ୍ରାର ରହିଥିବା ସମୃଦ୍ଧ ଓ ଗର୍ବିତ ଐତିହ୍ୟର ପ୍ରତିଫଳନ ହେଉଛି ସୁପ୍ରୋ ସିଏନ୍ଜି ଡୁଓର ଶୁଭାରମ୍ଭ। ସେହିଭଳି ମହିନ୍ଦ୍ରା ଆଣ୍ଡ ମହିନ୍ଦ୍ରାର ସଭାପତି ଅଟୋମୋଟିଭ୍ ଟେକ୍ନୋଲୋଜି ଆଣ୍ଡ୍ ପ୍ରଡକ୍ଟ ଡେଭେଲପ୍ମେଣ୍ଟ ଆର୍ ଭେଲୁସ୍ବାମୀ କହିଛନ୍ତି, ନୂଆ ସୁପ୍ରୋ ସିଏନ୍ଜି ଡୁଓକୁ ସ୍ମାର୍ଟ ଓ ସହଜରେ ପରିଚାଳିତ ହେଉଥିବା ଦ୍ୱୈତ-ଇନ୍ଧନ ବିଶିଷ୍ଟ ଛୋଟ କମର୍ସିଆଲ ଯାନ ଭାବେ ବିକାଶ କରାଯାଇଛି, ଯାହା ପ୍ରଦୂଷଣ ଓ ପରିଚାଳନା ଖର୍ଚ୍ଚ କମ୍ କରିବ। ଅପରପକ୍ଷରେ ସୁପ୍ରୋ ସିଏନ୍ଜି ଡୁଓ ଟାଙ୍କିକୁ ଥରେ ଫୁଲ୍ କଲେ ତାହା ୩୨୫ କି.ମି. ଯାତ୍ରା କରିବ। ଏଥିରେ ୨୦.୦୧ କିଲୋୱାଟ୍ର ବିଏସ୍-୬ ଆର୍ଡିଇ ଇଞ୍ଜିନ୍ ମଧ୍ୟ ରହଛି। ସେହିଭଳି ଗାଡ଼ିରେ ୧୨ ଇଞ୍ଚ ଟାୟାର ଓ ୧୫୮ ଏମ୍ଏମ୍ ଗ୍ରାଉଣ୍ଡ୍ କ୍ଲିୟରାନ୍ସ ରହିଛି। ଏହାର ଗ୍ରାହକମାନେ କମ୍ ଡାଉନ୍ ପେମେଣ୍ଟ୍ ଦେଇ ଗାଡ଼ିର ବୁକିଂ କରିପାରିବେ ଏବଂ ଆକର୍ଷଣୀୟ ଫାଇନାନ୍ସ ସ୍କିମ୍ ଜରିଆରେ ମଧ୍ୟ ଏହାକୁ କିଣିପାରିବେ। ଏହା ଉପରେ ୩ ବର୍ଷ/୮୦,୦୦୦ କି.ମି. ୱାରେଣ୍ଟି ପ୍ରଦାନ କରାଯାଉଛି। ଉକ୍ତ ମଡେଲ ଡାଇମଣ୍ଡ ହ୍ବାଇଟ୍ ଓ ଡିମ୍ ଓ୍ବାର୍ମ ବ୍ଲୁ ରଙ୍ଗରେ ଉପଲବ୍ଧ। ଏହାର ଏକ୍ସ ଶୋ’ରୁମ୍ ମୂଲ୍ୟ (ନୂଆଦିଲ୍ଲୀ) ୬.୩୨ ଲକ୍ଷ ଟଙ୍କାରୁ ଆରମ୍ଭ ହେଉଛି।
