ଭୁବନେଶ୍ୱର,୧୨।୧୨: ଅଟିଜିମ୍ ଦିବସ ସହ ଅଟିଜିମ୍ ଥେରାପି ସେଣ୍ଟର (ଏଟିସି) ର ବାର୍ଷିକ ଉତ୍ସବ ନିକଟରେ ପାଳିତ ହୋଇଯାଇଛି। ଏହି ପରିପ୍ରେକ୍ଷୀରେ ଡିଏଭି ପବ୍ଲିକ୍ ସ୍କୁଲର ଆକ୍ଟିଭିଟି ହଲ୍ରେ ଆୟୋଜିତ ଏକ ସ୍ବତନ୍ତ୍ର କାର୍ଯ୍ୟକ୍ରମରେ ଶିକ୍ଷା ଓ ଅନୁସନ୍ଧାନ (ସୋଆ) ବିଶ୍ୱବିଦ୍ୟାଳୟର କୁଳପତି ଡ଼ା. ଅଶୋକ କୁମାର ମହାପାତ୍ର ମୁଖ୍ୟ ଅତିଥି ଭାବେ ଯୋଗ ଦେଇ ଅଟିଜିମ୍ ପିଲାଙ୍କୁ ସମାଜର ମୁଖ୍ୟ ସ୍ରୋତରେ ସାମଲି କରିବାକୁ ସମସ୍ତଙ୍କୁ ଉତ୍ସାହିତ କରିଥିଲେ। ଅପରପକ୍ଷରେ ମ୍ୟାନ ଟ୍ରଷ୍ଟର ଅନ୍ୟତମ ଟ୍ରଷ୍ଟି ମଦନମୋହନ ପଣ୍ଡାଙ୍କ ସଭାପତିତ୍ୱରେ ସଭାକାର୍ଯ୍ୟ ପରିଚାଳିତ ହୋଇଥିଲା। ସେହିଭଳି ମ୍ୟାନ ଟ୍ରଷ୍ଟର ସଭାପତି ସ୍ବର୍ଣ୍ଣଲତା ମିଶ୍ର ଏଟିସିର ବାର୍ଷିକ ବିବରଣୀ ପାଠ ସହ କାର୍ଯ୍ୟକ୍ରମର ଆଭିମୂଖ୍ୟ ଓ ବର୍ତ୍ତମାନ ସମୟରେ ଅଟିଜିମ ପିଲାଙ୍କ ଭାଗ୍ୟ ଭବିଷତ୍ୟ ଏବଂ ସାମାଜିକ କାର୍ଯ୍ୟକଳାପ ଉପରେ ବିସ୍ତୁତ ମତ ଉପସ୍ଥାପନ କରିଥିଲେ।
ସେହିପରି ଏଟିସିର ବାର୍ଷିକ ଉତ୍ସବ ଅବସରରେ ଉଲ୍ଲେଖ କରାଯାଇଥିବା ସୂଚନା ଅନୁସାରେ ବାର୍ଷିକ କ୍ରୀଡା ପ୍ରତିଯୋଗିତା, ବିଭିନ୍ନ ଜାତୀୟ ଦିବସ, ଧାର୍ମିକ ଦିବସ ଏବଂ ସମାଜରେ ଅଟିଜିମ୍ ସମ୍ପର୍କରେ ଜ୍ଞାନ ଓ ଉପଯୁକ୍ତ ଚିନ୍ତାଧାରା ସୃଷ୍ଟି ନିମନ୍ତେ ବିଭିନ୍ନ ସ୍କୁଲ ଓ କଲେଜର ଛାତ୍ରଛାତ୍ରୀମାନଙ୍କୁ ନେଇ କରାଯାଇଥିବା କର୍ମଶାଳା ଆଦି ବିଷୟରେ ମଧ୍ୟ ସୂଚନା ଦେଇଥିଲେ। ଏପରିକି ବିଭିନ୍ନ ପ୍ରତିଯୋଗିତାରେ ସଫଳ ହୋଇଥିବା ଛାତ୍ରୀଛାତ୍ରମାନଙ୍କୁ ପୁରସ୍କାର ବିତରଶ କରାଯାଇଥିବା ବେଳେ ଏଟିସିର ଛାତ୍ର ଗୌତମ ପଣ୍ଡା (ଚିନୁ)ଙ୍କୁ ୨୦୨୨ର ଖେଳ ପ୍ରତିଯୋଗିତାର ଚମ୍ପିଆନ୍ ଟ୍ରଫି ପ୍ରଦାନ କରାଯାଇଥିଲା। ପରିଶେଷରେ ଡ଼ ଡି.ଏନ.ମିଶ୍ର ଧନ୍ୟବାଦ ଅର୍ପଣ କରିଥିଲେ।
ଉଲେ୍ଲଖଯୋଗ୍ୟ ଯେ ଏଟିସିର ଛାତ୍ରୀଛାତ୍ରମାନେ ବାର୍ଷିକ ଉତ୍ସବରେ ମନମୁଗ୍ଧକର ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ। ଉକ୍ତ କାର୍ଯ୍ୟକ୍ରମରେ ଅନେକ ଅର୍ଟିଷ୍ଟିକ୍ ପିଲା ଓ ଅଭିଭାବକଙ୍କ ସମେତ ଅନ୍ୟମାନେ ଉପସ୍ଥିତ ଥିଲେ।
