ଓ୍ବାଶିଂଟନ,୧୨।୭ : ‘ଫଟାଫଟ କ୍ରିକେଟ’ର ସମ୍ପ୍ରତି ଲୋକପ୍ରିୟ ହେବାରେ ଲାଜିଛି। ଏହି ମର୍ମରେ ଅନ୍ୟ ଏକ ଲିଗ କ୍ରିକେଟ ପ୍ରେମୀଙ୍କୁ ରୋମାଞ୍ଚିତ କରିବାକୁ ପ୍ରସ୍ତୁତ। ଆମେରିକାରେ ମେଜର ଲିଗ କ୍ରିକେଟ ଗୁରୁବାର, ଜୁଲାଇ ୧୩ (ଭାରତୀୟ ସମୟ ଅନୁସାରେ ଜୁଲାଇ ୧୪) ରୁ ଆରମ୍ଭ ହେବାକୁ ଯାଉଛି। ଯେଉଁଥିରେ ୬ ଟି ଦଳ ପରସ୍ପରକୁ ଭେଟିବେ। ପ୍ରଥମ ଥର ପାଇଁ ଆରମ୍ଭ ହେବାକୁ ଥିବା ଏହି ଲିଗର ଉଦଘାଟନୀ ମ୍ୟାଚରେ ଟେକ୍ସାସ ସୁପର କିଙ୍ଗ୍ସ ଲସ ଆଞ୍ଜେଲସ ନାଇଟ ରାଇଡର୍ସ ସହିତ ମୁହାଁମୁହିଁ ହେବେ। ଫାଇନାଲ ୩୦ ଜୁଲାଇରେ ଖେଳାଯିବ ।
ପ୍ରଥମ ସିଜନରେ ଲସ ଆଞ୍ଜେଲସ ନାଇଟ ରାଇଡର୍ସ, ମୁମ୍ବାଇ ଇଣ୍ଡିଆନ୍ସ ନ୍ୟୁୟର୍କ, ସାନ ଫ୍ରାନ୍ସିସ୍କୋ ୟୁନିକର୍ଣ୍ଣସ, ସିଆଟେଲ, ଅର୍କାସ, ଟେକ୍ସାସ ସୁପର କିଙ୍ଗ୍ସ ଏବଂ ୱାଶିଂଟନ ଫ୍ରିଡମ ଦଳ ଅଂଶଗ୍ରହଣ କରିବେ। ଏହି ଦଳଗୁଡିକରେ, ଅନେକ ଭାରତୀୟଙ୍କ ସମେତ ବିଶ୍ୱର ଭେଟେରାନ କ୍ରିକେଟରମାନେ ଯୋଗଦେବେ । ଟୁର୍ନାମେଣ୍ଟରେ ୧୫ ଟି ଗ୍ରୁପ ସ୍ତରୀୟ ମ୍ୟାଚ ପରେ, ଏଲିମିନେଟର, ଦୁଇଟି କ୍ୱାଲିଫାଏର ଏବଂ ତା’ପରେ ଫାଇନାଲ ମ୍ୟାଚ ଖେଳାଯିବ ।
ରାଉଣ୍ଡ ରୋବିନ ଫର୍ମାଟର ଏହି ଟୁର୍ନାମେଣ୍ଟରେ ଅଂଶଗ୍ରହଣ କରିଥିବା ବିଶିଷ୍ଟ ଖେଳାଳିଙ୍କ ମଧ୍ୟରେ ଉମୁକଟ ଚାନ୍ଦ, ମାର୍ଟିନ ଗୁପିଲ, ଜେସନ ରଏ, ସୁନୀଲ ନାରିନ, ଆଣ୍ଡ୍ରେ ରସେଲ, ଲକି ଫର୍ଗୁସନ, ଆଡାମ ଜାମ୍ପା, ଟିମ ଡେଭିଡସ, ନିକୋଲାସ ପୁରାନ, କିରେନ ପୋଲାର୍ଡ, ଟ୍ରେଣ୍ଟ ବୋଲ୍ଟ ଏବଂ ରସିଦ ଖାନ ଇତ୍ୟାଦି ଅଛନ୍ତି। ପାକିସ୍ତାନୀ ଖେଳାଳିଙ୍କ ମଧ୍ୟରେ ଅଲରାଉଣ୍ଡର ଶାଦବ ଖାନ, ଇମାଦ ୱାସିମ, ସାମି ଅସଲମଙ୍କ ଭଳି ଖେଳାଳି ମଧ୍ୟ ଏହି ଟୁର୍ନାମେଣ୍ଟରେ ଉତ୍ସାହ ଯୋଗାଉଥିବା ଦେଖିବାକୁ ମିଳିବ। ଟୁର୍ନାମେଣ୍ଟର ମ୍ୟାଚ ଭାରତୀୟ ସମୟ ସକାଳ ୬ ଟାରୁ ଆରମ୍ଭ ହେବ ।
ଟୁର୍ନାମେଣ୍ଟର ଟେକ୍ସାସର ଗ୍ରାଣ୍ଡ ପେରି ଷ୍ଟାଡିୟମ ଏବଂ ମୋରିସଭିଲର ଚର୍ଚ୍ଚ ଷ୍ଟ୍ରିଟ ପାର୍କ ଷ୍ଟାଡିୟମ ଦୁଇଟି ସ୍ଥାନରେ ଅନୁଷ୍ଠିତ ହେବ ।