ଚଣ୍ଡିଖୋଲ,୧୨ା୯(ପ୍ରଦୀପ୍ତ କୁମାର ପୃଷ୍ଟି): ଦେଶ ପାଇଁ ତ୍ୟାଗ, କର୍ତ୍ତବ୍ୟ ଓ ଦୀର୍ଘ ୩୦ବର୍ଷ ସେବା ପାଇଁ ୧୬୬ ବାଟାଲିୟନ ଆସାମ ରାଇଫଲର କର୍ଣ୍ଣେଲ ମହେନ୍ଦ୍ର ସିଂହ କମାଣ୍ଡିଂ ଅଧିକାରୀ ପ୍ରଭାତ କୁମାର ଦାଶଙ୍କୁ ସୁବେଦାର ମେଜର ପଦରେ ବିଭାଗ ପକ୍ଷରୁ ସମ୍ମାନିତ କରାଯାଇଛି। ଯାଜପୁର ଜିଲା ବଡ଼ଚଣା ବ୍ଲକ ଅନ୍ତର୍ଗତ ବରଦା ଗ୍ରାମର ମହନ୍ତ ଭଗବାନ ଦାଶ ଓ କମଳା ଦାଶଙ୍କ ଜ୍ୟେଷ୍ଠ ପୁଅ ପ୍ରଭାତଙ୍କ ଅନ୍ୟ ଏକ ପରିଚୟ ସେ ଚଣ୍ଡିଖୋଲ ବାର ଆସୋସିଏଶନର ସମ୍ପାଦକ ପ୍ରକାଶ ଚନ୍ଦ୍ର ଦାଶଙ୍କ ବଡ ଭାଇ । ଦେଶ ସେବା ପାଇଁ ଏହି ମର୍ଯ୍ୟାଦା ଜନକ ସମ୍ମାନ ମିଳିଥିବାରୁ ବଡ଼ଚଣା ଗାନ୍ଧୀ ବୃନ୍ଦାବନ ତ୍ରିପାଠୀ ସ୍ମୃତି ସଂସଦ, ସଂଗ୍ରାମୀ ଜଗନ୍ନାଥ ମାନ୍ଧାତା ସ୍ମୃତି ସଂସଦ, ଓଳାଶୁଣୀ ଗୁମ୍ଫା ଉନ୍ନୟନ ଟ୍ରଷ୍ଟ ଓ ବନ୍ଦରେଶ୍ୱର ସଂଗ୍ରାମୀ ଏକାଡେମୀ ପକ୍ଷରୁ ଶରତ ଚନ୍ଦ୍ର ପ୍ରଧାନ, ଶୁଭେନ୍ଦୁ କୁମାର ଭୂୟାଁ, ଶ୍ରୀକାନ୍ତ କୁମାର ସାମଲ ଓ ବାଲି ପଡିଆ ଯୁବକ ସଂଘର ଉପ ସଭାପତି ବିରୁପାକ୍ଷ ତ୍ରିପାଠୀ ପ୍ରମୁଖ ତାଙ୍କୁ ଅଭିନନ୍ଦନ ଜଣାଇଛନ୍ତି। ସେ ବରଦା ପ୍ରହଲ୍ଲାଦ ନିଗମାନନ୍ଦ ବିଦ୍ୟାପୀଠର ପୁରାତନ ଛାତ୍ର ହୋଇଥିବାରୁ ବିଦ୍ୟାଳୟର ଛାତ୍ରୀଛାତ୍ର ଓ ଶିକ୍ଷକମାନେ ତାଙ୍କୁ ଶୁଭେଚ୍ଛା ଜଣାଇଛନ୍ତି।